ഒരു സ്ഥാപനത്തിന്റെ വിജയത്തിന് അവിടുത്ത ജീവനക്കാരുടെ വളർച്ചയും കഴിവും വളരെ പ്രധാനമാണ്. അവരുടെ കഴിവുകളുടെ വികസനത്തിലൂടെ അനായാസകരമായി സ്ഥാപന പ്രവർത്തനത്തെ മുന്നോട്ട് കൊണ്ടുപോകാൻ സാധിക്കുന്നു. ജീവനക്കാർക്ക് മതിയായ പരിശീലനം ലഭിക്കാതിരുന്നത് സ്ഥാപനത്തിന്റെ വളർച്ചക്ക് തടസ്സമാകും. അനുദിനം വളർന്നുകൊണ്ടിരിക്കുന്ന സാങ്കേതിക വിദ്യയെ അടുത്തറിഞ്ഞു ജീവനക്കാർ പ്രവർത്തിച്ചാൽ മണിക്കൂറുകൾ എടുത്ത് ചെയ്യുന്ന ജോലികൾ പോലും മിനിറ്റുകൾ കൊണ്ട് തീർക്കാൻ സാധിക്കും. ജീവനക്കാർക്ക് പരിശീലന പരിപാടികൾ സംഘടിപ്പിക്കുന്നത് സ്ഥാപനങ്ങൾക്ക് ഏറെ ഗുണങ്ങൾ നൽകുന്നു. ചിലവ് ആലോചിച്ചു ജീവനക്കാർക്ക് പരിശീലനം നൽകാതിരുന്നാൽ സ്ഥാപനത്തിന്റെ വളർച്ചയെ അത് ബാധിക്കുന്നു. നല്ല ജീവനക്കാരാണ് ഒരു സ്ഥാപനത്തിന്റെ വളർച്ചയെ നിർണയിക്കുന്നതിലെ പ്രധാന ഘടകങ്ങളിൽ ഒന്ന്. എന്തൊക്കെ ഗുണങ്ങളാണ് ജീവനക്കാർക്ക് പരിശീലനം നൽകുന്നതിലൂടെ ലഭിക്കുന്നത് എന്ന് നോക്കാം.
ജീവക്കാരുടെ ആത്മവിശ്വാസം വർദ്ധിപ്പിക്കുന്നു:
പരിശീലനം നേടുന്നതിലൂടെ ജീവനക്കാരുടെ കഴിവുകളും ജോലിയെക്കുറിച്ചുള്ള അറിവും വർദ്ധിപ്പിക്കുന്നു. ഇത് അവരുടെ ആത്മവിശ്വാസം ഉയർത്തുന്നു. ഇതിലൂടെ അവരുടെ ഉൽപ്പാദനക്ഷമത കൂടുന്നു. കാര്യക്ഷമതയോടെ ജോലി കൈകാര്യം ചെയ്യാൻ അവരെ പ്രാപ്തമാക്കുന്നു.
ജോലി രീതികളുടെ ഏകീകരണം:
ഓരോ ജീവനക്കാരും വ്യത്യസ്ത രീതികൾ സ്വീകരിക്കുന്നത് നല്ലതല്ല. എല്ലാവരും ഒരേപോലെ ചെയ്യുമ്പോഴാണ് കൂടുതൽ എളുപ്പത്തിൽ ചെയ്യാൻ സാധിക്കുക. ഒരു ജീവനക്കാരന്റെ അസാന്നിധ്യത്തിൽ മറ്റൊരാൾക്ക് ഇതിലൂടെ വർക്കുകൾ ചെയ്യാൻ സാധിക്കും. ജീവനക്കാർക്ക് പരിശീലനം നൽകുന്നത് ജോലിസ്ഥലത്ത് ജോലി രീതികൾ ഏകീകൃതമാക്കാൻ സഹായിക്കുന്നു. ജീവനക്കാർ സമാനമായ നടപടിക്രമങ്ങൾ പാലിക്കുകയും പ്രയോഗിക്കുകയും ചെയ്യുന്നത് കൂടുതൽ ഗുണകരമാണ്.
കുറഞ്ഞ മേൽനോട്ടം:
ജീവനക്കാരെ പരിശീലിപ്പിക്കുന്നത് അമിതമായ മേൽനോട്ടത്തിന്റെ ആവശ്യകത കുറയ്ക്കുന്നു. എപ്പോഴും അവരുടെ മുകളിലുള്ള കണ്ണിനെ മാറ്റുന്നത് സ്ഥാപനത്തിനും അവർക്കും സമാധാനം നൽകുന്നു. പരിശീലനത്തിലൂടെ സ്വന്തമായി ചെയ്യാനുള്ള പ്രാപ്തിയിലേക്ക് എത്തുന്നു. എന്നിരുന്നാലും, പരിശീലനം പൂർണ്ണമായും മേൽനോട്ടത്തെ ഒഴിവാക്കുന്നില്ല.
ആന്തരിക പ്രമോഷൻ:
ഒരു സ്ഥാപനത്തിന് പുതിയ ജീവനക്കാരെ വിശേഷിച്ചും സവിശേഷമായ കഴിവ് ഉള്ളവരെ ആവശ്യമായി വരുമ്പോൾ പുറത്തുനിന്ന് പുതിയ ജീവനക്കാരെ നിയമിക്കേണ്ടതില്ല. പരിശീലനം നൽകി കഴിവ് തെളിയിച്ച ജീവനക്കാരെ സ്ഥാപനത്തിന് ആവശ്യമുള്ള പുതിയ കഴിവുകൾ പഠിപ്പിച്ച് പ്രമോഷൻ നൽകാം. ഇത് ജീവനക്കാരിൽ പുത്തൻ ഉണർവ് രൂപപ്പെടുത്തുന്നു. സ്ഥാപനത്തോടുള്ള അടുപ്പം അവരിൽ വർദ്ധിപ്പിക്കുന്നു.
ഉയർന്ന മനോവ്യാപനം:
സ്ഥാപനം തങ്ങളെ വിലമതിക്കുന്നുണ്ടെന്നും പിന്തുണക്കുന്നുണ്ടെന്നുമുള്ള തോന്നൽ ജീവനക്കാരിൽ ഉണ്ടാക്കും. അങ്ങനെയുള്ള ഒരു തൊഴിൽ അന്തരീക്ഷം അവരുടെ മാനസികമായ ബലത്തെ ശക്തിപ്പെടുത്തും. ആത്മാർത്ഥതയോടെ ജോലി ചെയ്യാൻ അവരെ പ്രേരിപ്പിക്കും.
ലക്ഷ്യബോധ്യത്തെ വളർത്തുന്നു:
ഒരു നല്ല പരിശീലന പരിപാടി ജീവനക്കാരെ സ്ഥാപനത്തിന്റെ മൂല്യങ്ങൾ, നയങ്ങൾ, ദർശനം, ലക്ഷ്യങ്ങൾ എന്നിവയെക്കുറിച്ച് പരിചയപ്പെടുത്തുന്നു. ഇതിലൂടെ ഒരു ആത്മവിചിന്തനത്തിനു ഇട നൽകുന്നു. അവരുടെ ബോധ്യങ്ങളെ പൊളിച്ചെഴുതുന്നു. പലതും നേടിയെടുക്കാൻ ചിന്തിപ്പിക്കുന്നു. അത് അവരുടെ കരിയറിൽ നല്ല പ്രവർത്തനങ്ങൾക്ക് ഇടയാക്കുന്നു.
മെച്ചപ്പെട്ട ഉപഭോക്തൃ മൂല്യനിർണ്ണയം:
ജീവനക്കാർക്ക് സ്ഥിരമായ പരിശീലനം നൽകുമ്പോൾ, അത് ജോലിയിലെ അവരുടെ കഴിവുകൾ വർദ്ധിപ്പിക്കുന്നു. അത് അവരിൽ പ്രൊഫഷണലിസം കൊണ്ട് വരുന്നു. കൂടുതൽ പ്രൊഫഷണലായും കാര്യക്ഷമമായും ജോലി ചെയ്യാൻ അവരെ പ്രാപ്തരാക്കുകയും ചെയ്യുന്നു. ഇതിലൂടെ ഉപഭോക്താക്കൾക്ക് നല്ല സേവനം ലഭ്യമാകുന്നു. ഇത് സ്ഥാപനത്തെക്കുറിച്ചുള്ള അവരുടെ അഭിപ്രായം മെച്ചപ്പെടുത്താൻ കാരണമാക്കുന്നു.
മികച്ച ജോലിസ്ഥല പരിസ്ഥിതി:
സ്ഥിരമായ പരിശീലനം ജീവനക്കാർ ജോലിസ്ഥല പരിസ്ഥിതിയിൽ കൂടുതൽ ഫലപ്രദമായി ജോലി ചെയ്യാൻ സഹായിക്കും. ഇത് എല്ലാ ജീവനക്കാരും വിലമതിക്കപ്പെടുന്നതും സ്വാഗതം ചെയ്യപ്പെടുന്നതുമായ ഒരു അന്തരീക്ഷം സ്ഥാപനത്തിൽ സൃഷ്ടിക്കുന്നു.
മെച്ചപ്പെടുത്തിയതും അപ്ഡേറ്റ് ചെയ്തതുമായ ടെക്നോളജി:
എല്ലാ വ്യവസായങ്ങളിലും ടെക്‌നോളജിയിലെ വർദ്ധിച്ചുവരുന്ന മാറ്റങ്ങൾക്കൊപ്പം, ജീവനക്കാരെ പുതിയ സാങ്കേതിക വിദ്യകളിൽ പരിശീലിപ്പിക്കുന്നത് സ്ഥാപനത്തിന്റെ കാര്യക്ഷമതയും ഉൽപ്പാദനക്ഷമതയും വർദ്ധിപ്പിക്കാൻ സഹായിക്കും. സാങ്കേതിക വിദ്യയെ അടുത്തറിയുന്നതോടെ കൂടുതൽ സമയമെടുത്ത് ചെയ്യേണ്ട വർക്കുകൾ കുറഞ്ഞ സമയത്ത് ചെയ്യാൻ ജീവനക്കാർക്ക് കഴിയും. ഇതിലൂടെ കൂടുതൽ വർക്കുകൾ നടക്കുന്നു.
