ഏതൊരു സ്ഥാപനത്തിന്റെയും വിജയത്തിന് ബിസിനസ്സ് /സാമ്പത്തിക റിസ്ക് മാനേജ്മെന്റ് നിർണായകമാണ്. ബിസിനസ്സ് /സാമ്പത്തിക മേഖലയിലെ അപകടസാധ്യതകൾ തിരിച്ചറിയുകയും വിലയിരുത്തുകയും ലഘൂകരിക്കുകയും ചെയ്യുന്നത് സുസ്ഥിരതയും ലാഭക്ഷമതയും ദീർഘകാല വളർച്ചയും ഉറപ്പാക്കുന്നു.
ഈ ലേഖനം പ്രധാനമായും ബിസിനസ്സിലെയും അതൊടനുബന്ധിച്ചുള്ള സാമ്പത്തിക മാനേജ്മെന്റിന്റെയും പ്രധാന റിസ്ക് /അപകട മേഖലകൾ/,അത് ലഘൂകരിക്കാനുള്ള മാർഗങ്ങൾ എന്നിവ വിശദമായി പ്രതിപാദിക്കുന്നതാണ്
ബിസിനസ്സ് അപകട സാദ്ധ്യതകൾ പ്രധാനമായും 5 ആയി തരം തിരിക്കാം.
1. സ്ട്രാറ്റജിക് റിസ്ക് /ബിസിനസ് തന്ത്ര ത്തിലെ അപകട സാധ്യത: ബിസിനസ് തീരുമാനങ്ങൾ,വിപണി മത്സരം, വിപണിയിലെ പ്രവണതകൾ എന്നിവയിലെ അനിശ്ചിതത്വം.
2. ഓപ്പറേഷണൽ റിസ്ക് / പ്രവർത്തന മേഖലയിലെ അപകടസാധ്യത: കാര്യക്ഷമതയില്ലായ്മ, വിതരണ ശൃംഖലയിലെ തടസ്സങ്ങൾ, നിയന്ത്രണങ്ങൾ പാലിക്കാത്തത്.
3. ഫിനാൻഷ്യൽ റിസ്ക് / സാമ്പത്തിക അപകടസാധ്യത: വിപണിയിലെ അസ്ഥിരത, പണലഭ്യത, കടം , പലിശ നിരക്ക് എന്നിവയിലുള്ള അപകടസാധ്യതകൾ.
4. കംപ്ലയിൻസ് റിസ്ക് / നിയമപാലനത്തിലുള്ള അപകടസാധ്യത: നിയമങ്ങൾ, നിയന്ത്രണങ്ങൾ, വ്യവസായ മാനദണ്ഡങ്ങൾ എന്നിവ പാലിക്കാതുമായി ബന്ധപെട്ടുള്ള അപകടസാധ്യത
5. റെപ്യൂറ്റേഷണൽ / സ്ഥാപനത്തിന്റെ പ്രശസ്തിയുമായി ബന്ധപ്പെട്ട അപകടസാധ്യത: ബ്രാൻഡ് ഇമേജിന് വരുന്ന കേടുപാടുകൾ, ഉപഭോക്തൃ വിശ്വാസം.
സാമ്പത്തിക മേഖലയിലെ അപകടസാധ്യതകൾ
1. മാർക്കറ്റ് റിസ്ക് / വിപണിയിലുള്ള അപകടസാധ്യത : വിപണി നിരക്കുകൾ, വിലകൾ, ഡിമാൻഡ് എന്നിവയിലെ ഏറ്റക്കുറച്ചിലുകൾ.
2. ക്രെഡിറ്റ് റിസ്ക് / പണം/ ഉത്പന്നം കടം കൊടുക്കുന്നതിലുള്ള അപകടസാധ്യത : ഉപഭോക്താക്കൾ അല്ലെങ്കിൽ ബിസിനസുമായി ബന്ധപെട്ടുള്ള മറ്റു പാർട്ടികൾ തിരിച്ചടവിൽ വരുത്തുന്ന വീഴ്ച
3. ലിക്വിഡിറ്റി റിസ്ക് / ദൈനംദിന പ്രവർത്തനം / ലോൺ തിരിച്ചടവ് എന്നിവയിലെ അപകടസാധ്യത : പ്രവർത്തനങ്ങൾക്കോ കടം/ഇന്ററസ്റ് തിരിച്ചടവ് എന്നിവയ്ക്കുള്ള പണ ലഭ്യതയുടെ അപര്യാപ്തത
4. പലിശ നിരക്ക് അപകടസാധ്യത: പലിശ നിരക്കിലെ മാറ്റങ്ങൾ വായ്പയെടുക്കൽ ചെലവുകളെ ബാധിക്കുന്നു.
5. കറൻസി റിസ്ക്: അന്താരാഷ്ട്ര വ്യാപാരത്തെ ബാധിക്കുന്ന വിനിമയ നിരക്കിലെ ഏറ്റക്കുറച്ചിലുകൾ.
ഈ അപകട സാദ്ധ്യതകൾ എങ്ങിനെ മാനേജ് ചെയ്യാം?
1. റിസ്ക് /അപകട സാധ്യത തിരിച്ചറിയൽ : SWOT വിശകലനം, സാഹചര്യങ്ങൾ ആസൂത്രണം ചെയ്യൽ എന്നിവയിലൂടെ സാധ്യമായ അപകട മേഖലകൾ തിരിച്ചറിയുക.
2. അപകട സാധ്യത വിലയിരുത്തൽ / റിസ്ക് അസസ്മെൻ്റ്: അപകട ഉണ്ടാകാനുള്ള സാധ്യത,ഇത് മൂലം ബിസിനസ്സിന് ഉണ്ടാവുന്ന ആഘാതം, തീവ്രത എന്നിവ വിലയിരുത്തുക.
3. റിസ്ക് പ്രയോറിറ്റൈസേഷൻ / മുൻഗണനാക്രമം : ഉയർന്ന മുൻഗണനയുള്ള അപകടസാധ്യതകളിൽ ശ്രദ്ധ കേന്ദ്രീകരിക്കുക.
4. റിസ്ക് / അപകട സാധ്യത ലഘൂകരണം: തന്ത്രങ്ങൾ നടപ്പിലാക്കുക (ഉദാ. വൈവിധ്യവൽക്കരണം, അപകട സാധ്യത മുന്നിൽകണ്ടുകൊണ്ടുള്ള ഹെഡ്ജിംഗ്).
5. റിസ്ക് / അപകട സാധ്യത അവലോകനം : അപകടസാധ്യത കുറക്കാനുള്ള തന്ത്രങ്ങൾ തുടർച്ചയായി അവലോകനം ചെയ്യുകയും അവ കാലാനുസൃതമായി പരിഷ്ക്കരി ക്കുകയും ചെയ്യേണ്ടതുണ്ട്
അപകട സാധ്യത ലഘൂകറിക്കാനുതകുന്ന മാർഗങ്ങൾ
1.വൈവിധ്യവൽക്കരണം: എല്ലാ നിക്ഷേപങ്ങളും ഒരു മേഖലയിൽ കേന്ദ്രീകരിക്കാതെ പല മേഖലകളിൽ ആയി വ്യാപിപ്പിക്കുക , വരുമാന സത്രോതസ്സുകൾ പല മേഖലകൾ /സ്ഥലങ്ങളിൽ ആയി വൈവിധ്യവൽകരിക്കുക
2. ഹെഡ്ജിംഗ്: വിപണി, പലിശ നിരക്ക്, കറൻസി എന്നിവയിലുള്ള അപകടസാധ്യതകൾ സ്ഥിര വിശകലനത്തിന് വിധേയമാക്കി അവ യഥാസമയം മാനേജ് ചെയ്യുക
3. ഇൻഷുറൻസ്: സ്ഥാപനം /ഉത്പന്നങ്ങൾ തുടങ്ങി സാധ്യമായ എല്ലാ മേഖലകളിലും ഇൻഷുറൻസ് പരിരക്ഷ ഏർപ്പെടുത്തുക.
4. കൺടിജൻസി /ആകസ്മികമായ് ഉണ്ടാകാവുന്ന സംഭവങ്ങൾ തരണം ചെയ്യാനുള്ളനുള്ള ആസൂത്രണം: അപ്രതീക്ഷിത സംഭവങ്ങൾക്കായി തയ്യാറെടുക്കുക അങ്ങനെ വരുന്ന അവസരങ്ങളിൽ വേണ്ട മുൻകരുതൽ / ബിസിനസ്സിന്റെ നടത്തിപ്പ് തുടർന്ന് കൊണ്ടുപോകാൻ വേണ്ട മുൻകരുതൽ തുടങ്ങിയവ ആസൂത്രണം ചെയ്യേണ്ടതുണ്ട്
5. സപ്ലൈ ചെയിൻ മാനേജ്മെൻ്റ്: വിതരണക്കാരുമായുള്ള ബന്ധങ്ങൾ വിശകലനം ചെയ്യുക/നിരീക്ഷിക്കുക, അസംസ്കൃത വസ്തുക്കൾ /ഉത്പന്നങ്ങൾ /സേവനങ്ങൾ എന്നിവയുടെ സുസ്ഥിര ലഭ്യത ഉറപ്പുവരുത്തുക / ഇതിനായി കൂടുതൽ സത്രോതസ്സുകൾ /ബാക്കപ്പ് പ്ലാനുകൾ എന്നിവ കണ്ടെത്തുക
ഫിനാൻഷ്യൽ റിസ്ക് എങ്ങിനെ മാനേജ് ചെയ്യാം?
2. സ്വാപ്പുകൾ: പലിശ നിരക്ക് സ്ഥിരമായി വിശകലനം ചെയ്യുക / ബാങ്കുകളുമായി ചർച്ച ചെയ്ത് കാലാനുസൃതമായ പലിശ കുറവ് വരുത്തുക, വിദേശ വ്യാപാരം ഉണ്ടെങ്കിൽ ഫോറിൻ എക്സ്ചേഞ്ച് വിശകലനം ചെയ്ത് കറൻസി കൈമാറ്റങ്ങൾ അനുകൂലമാക്കുക
4. നിക്ഷേപം : അപകട സാധ്യത കുറഞ്ഞ സ്ഥിര നിക്ഷേപങ്ങൾ,സർക്കാർ ബോണ്ടുകൾ എന്നിവ ഉൾപെടുത്തുക
5. എമർജൻസി ഫണ്ടുകൾ: അത്യവശ്യാഘട്ടങ്ങളിൽ ഉപയോഗപ്പെടുത്താൻ വേണ്ടി ഒരു ഫണ്ട് കരുതുക, ബാങ്കുകളിലെ സ്ഥിരനിക്ഷപങ്ങൾ ഇതിനായി ഉപയോഗിക്കാം
വിപണിയിലുള്ള മികച്ച സമ്പ്രദായങ്ങൾ
1. റിസ്ക് മാനേജ്മെൻ്റ് ഫ്രെയിംവർക്ക് സ്ഥാപിക്കുക: അപകട സാധ്യത നിയത്രിക്കാനും /ലഘുകരിക്കാനുമുള്ള നയങ്ങളും നടപടിക്രമങ്ങളും തയ്യാറാക്കുക
2. സുസ്ഥിര അപകടസാധ്യത അവലോകനം
3. ആകസ്മിക പദ്ധതികൾ വികസിപ്പിക്കുക: അപ്രതീക്ഷിത സംഭവങ്ങൾക്കായി തയ്യാറെടുക്കുക.
4. മോണിറ്റർ കീ പെർഫോമൻസ് ഇൻഡിക്കേറ്ററുകൾ (കെപിഐകൾ): സാമ്പത്തിക ആരോഗ്യം വിശകലനം ചെയ്യുക.
5.അപകടസാധ്യത-അവബോധമുള്ള സംസ്കാരം ജീവനക്കാരിൽ വളർത്തുക
ഫലപ്രദമായ ബിസിനസ്സ് /സാമ്പത്തിക റിസ്ക് മാനേജ്മെന്റ് ഏതൊരു സ്ഥപനത്തിന്റെയും സുസ്ഥിരമായ നിലനിൽപിന് അവിഭാജ്യഘടകമാണ്. അപകടസാധ്യതകൾ മനസ്സിലാക്കുന്നതിലൂടെയും ലഘൂകരണ തന്ത്രങ്ങൾ നടപ്പിലാക്കുന്നതിലൂടെയും ബിസിനസുകൾക്ക് അനിശ്ചിതത്വം തരണം ചെയ്യാനും സുസ്ഥിരത ഉറപ്പാക്കാനും ദീർഘകാല വിജയം നേടാനും കഴിയും.
