ഇടവേളകൾ ഇല്ലാതെ INTERVAL

പലപ്പോഴും വൺ ഓൺ വൺ ട്യൂറ്ററിങ് എന്നറിയപ്പെടുന്ന ഇന്റിവിജ്വൽ ട്യൂഷൻ സെന്ററുകൾ മാതാപിതാക്കളെ സംബന്ധിച്ചിടത്തോളം വലിയൊരു ആശ്വാസവും കൈത്താങ്ങുമാണ്. പല തരത്തിലുള്ള പഠന പ്രശ്നങ്ങൾ അഭിമുഖീകരിക്കുന്ന കുട്ടികളെ അവരുടെ യഥാർത്ഥ പ്രശ്നം കണ്ടെത്തി ഉയർത്തി കൊണ്ട് വരുന്ന രീതിയിലുള്ള പാഠ്യപദ്ധതികൾ കസ്റ്റമൈസ് ചെയ്ത് നൽകി വരുന്ന ഈ മേഖലയിൽ നിരവധി വമ്പന്മാരുണ്ടെങ്കിലും അവരുടെയെല്ലാം ഇടയിൽ വേറിട്ട് കുറച്ചു ദിവസങ്ങളിലായി മാധ്യമ ശ്രദ്ധ പിടിച്ചു പറ്റിയ ഒരു പേരായി മാറിയിരിക്കുന്നു Team INTERVAL ന്റേത്.

അഞ്ചു സുഹൃത്തുക്കളുടെ സൗഹൃദത്തിന്റെ തുടക്കം എങ്ങനെ ആയിരുന്നു?

കൊണ്ടോട്ടി ബ്ലോസ്സം ആർട്സ് ആൻഡ് സയൻസ് കോളേജിൽ ജൂനിയർ സീനിയർ ആയി പഠിച്ചിറങ്ങിയവരാണ് ഞങ്ങൾ.ആ സൗഹൃദം പഠനം കഴിഞ്ഞും കാത്തുസൂക്ഷിക്കുക ആയിരുന്നു. ഫൗണ്ടർ ആയ ഓ.കെ സനാഫിർ ആദ്യ സമയങ്ങളിൽ ഇന്റിവിജ്വൽ ട്യൂഷൻ എടുക്കുമായിരുന്നു, അങ്ങനെ ആണ് വൺ ട്ടു വണ്ണിന്റെ മാജിക്‌ മനസ്സിലായി തുടങ്ങിയത്.

INTERVAL എന്ന യൂണിക്ക് ബ്രാൻഡ് നെയിം…

വൺ ട്ടു വൺ ഇന്റിവിജ്വൽ ട്യൂഷൻ എന്ന കോൺസെപ്റ്റ് ഫിക്സ് ചെയ്തപ്പോൾ അടുത്തതായി ഏറ്റവും ആപ്റ്റായൊരു പേര് ഇടുക എന്നുള്ളതായിരുന്നു. തുടക്കം കാലങ്ങളിൽ ഞങ്ങൾ ഫോക്കസ് ചെയ്തിരുന്നത് പഠനത്തിൽ വളരെ പുറകിൽ നിൽക്കുന്ന കുട്ടികളെ ആയിരുന്നു, അവർ സ്കൂൾ ഇഷ്ടപ്പെടുന്നില്ല ക്ലാസ്സ്‌മുറികളിൽ പോവാൻ താല്പര്യപ്പെടുന്നില്ല പക്ഷെ അവർ ഇഷ്ടപ്പെടുന്ന ഒരേ ഒരു കാര്യമാണ് അവരുടെ ഇന്റർവെൽ സമയം എന്ന് പറയുന്നത്. ആ ഒരു സമയത്തിന് വേണ്ടി അവർ കാത്തിരിക്കും, അതിന് വേണ്ടി അവർ ചിലപ്പോൾ സ്കൂൾ അറ്റൻഡ് ചെയ്യും. അങ്ങനെ ആലോചിച്ചപ്പോൾ കുട്ടികളെ ആ ഒരു രീതിയിൽ ആകർഷിക്കാനും ഇഷ്ടം തോന്നിപ്പിക്കാനും വേണ്ടിയാണ് ഇങ്ങനെ ഒരു പേര് കൂട്ടുകാരിൽ ഒരാൾ പറഞ്ഞപ്പോൾ അത് തന്നെ ഫിക്സ് ചെയ്തത്.

തുടക്കത്തെ കുറിച്ച് പറയാമോ?

വൺ ട്ടു വൺ കോൺസെപ്റ്റ് ഞങ്ങൾ ഉറപ്പിച്ചിരുന്നു. പിന്നീട് മുന്നിൽ ഉണ്ടായിരുന്നത് രണ്ട് കാര്യങ്ങളായിരുന്നു – ഒരു അക്കാദമി സ്ട്രക്ചർ ഉണ്ടാക്കണം, ഫണ്ട്‌ സ്വരൂപിക്കണം. തുടക്കത്തിൽ 1.5 ലക്ഷം രൂപയാണ് ഇൻവെസ്റ്റ്‌ ചെയ്തത്.
ഒരു ഓഫ്‌ലൈൻ പ്ലാറ്റ്ഫോം ആയിരുന്നു ആദ്യം. മലപ്പുറം ജില്ലയിലെ കൊണ്ടോട്ടിയിൽ ആണ് ആദ്യത്തെ ഓഫീസ് സെറ്റ് ചെയ്തത്. അവിടെ സ്കൂൾ സമയം കഴിഞ്ഞ് വൈകുന്നേരങ്ങളിൽ ടീച്ചർമാരുടെ കൂടെ ഇരിക്കുന്ന രീതിയിൽ ക്ലാസുകൾ കൊടുത്തിരുന്നത്. കുട്ടികൾ വൈകുന്നേരം 5 മണി മുതൽ രാത്രി 8 മണി വരെ ഓഫീസിൽ ഇരുന്നുകൊണ്ട് ക്ലാസുകൾ അറ്റൻഡ് ചെയ്ത് പോന്നു. ടീച്ചർമാരായി തുടക്കത്തിൽ ഞങ്ങൾ അഞ്ചുപ്പേർ മാത്രം ആയിരുന്നു.

ഇനിഷ്യൽ മാർക്കറ്റിങ്ങിനു പോസ്റ്റേഴ്സ് ക്രീയേറ്റ് ചെയ്തു, വാട്സ്ആപ്പ് ഗ്രൂപ്പുകളിൽ സർക്കുലേറ്റ് ചെയ്തു. പത്രങ്ങളുടെ കൂടെ നോട്ടീസുകളും കൊടുത്തു വന്നു. കൂടാതെ രാത്രി സമയങ്ങളിൽ ഞങ്ങൾ തന്നെ ബസ് സ്റ്റാന്റുകളിലും പോസ്റ്റുകളിലും പോസ്റ്ററുകൾ പതിപ്പിച്ചു. ഇത്രയും മാർക്കറ്റിംഗ് ആക്ടിവിടികളെ നടത്തിയിരുന്നുള്ളു, മാർക്കറ്റിങ്ങ് എങ്ങനെ ആണെന്നും എങ്ങനെ ചെയ്താൽ റീച്ച് കിട്ടും എന്നൊന്നും തന്നെ ആർക്കും അറിയില്ലായിരുന്നു. ആരും ബിസിനസ്‌ ബാക്ക്ഗ്രൗണ്ട് ഉള്ളവരും അല്ലായിരുന്നു.

കുട്ടികൾക്ക് എങ്ങനെ ആണ് നിങ്ങളുടെ അപ്പ്രോച്ച് ഇഷ്ടമായി തുടങ്ങിയത്?

ഞങ്ങൾ ഓരോരുത്തരുടെയും മുന്നിൽ ഓരോ കുട്ടി മാത്രമേ ഉണ്ടായിരുന്നുള്ളൂ, ആ കുട്ടിയുടെ എല്ലാ ഡീറ്റൈൽസും പഠിച്ചു മനസ്സിലാക്കും. മാത്രമല്ല പഠനത്തിൽ മോശമായ കുട്ടികൾ ആയതുകൊണ്ട് തന്നെ എപ്പോഴും മോശം വാക്കുകൾ കേൾക്കുന്നതും ഈ കൂട്ടർ തന്നെയാണ്. അങ്ങനെ ഉള്ള കുട്ടികളുടെ മനസ്സിനെ കൺവെർട്ട് ചെയ്യുന്നതിൽ അപ്പ്രിസിയേഷന് വളരെ അധികം പ്രാധാന്യം ഉണ്ട്. കുട്ടികൾക്ക് ആവശ്യമായ മോട്ടിവേഷൻ നൽകുക അതിലൂടെ ഒരു ഫ്രണ്ട്‌ലി റിലേഷൻ കെട്ടിപ്പടുക്കുകയായിരുന്നു ഞങ്ങൾ ആദ്യം ചെയ്തത്. കുട്ടികളിൽ ഒരു നീഡ് ജനറേറ്റ് ചെയ്ത് ആ ഒരു നീഡ് എത്തിപ്പിടിക്കാൻ പഠനം എത്രത്തോളം പ്രധാനമാണെന്ന് അവരെ പറഞ്ഞു മനസ്സിലാക്കി.

സഹകരിക്കാത്ത കുട്ടികൾകളെ എങ്ങനെ ആണ് അറ്റെന്റീവ് ആക്കാറുള്ളത്?

തീരെ കോ-ഓപ്പറേറ്റ് ചെയ്യാത്ത കുട്ടികളെ ആക്ടിവിടികളിലൂടെയും ഗെയിംസുകളിലൂടെയും, അവർ അതിലൊക്കെ വിജയിക്കുമ്പോൾ വേണ്ട രീതിയിലുള്ള അപ്രിസിയേഷൻ നൽകുകയും ചെയ്യുമ്പോൾ തന്നെ ഏത് സഹകരിക്കാത്ത കുട്ടികളും ഇഷ്ടത്തോടെ നമ്മൾ പറയുന്ന രീതിയിലേക്ക് എത്തിപ്പെടും.

നാഷണൽ ലെവലിൽ ഒരു അംഗീകാരം ലഭിച്ചപ്പോൾ ഉണ്ടായ ഫീലിങ്ങ്?

5 വർഷമായി നടത്തി വരുന്ന ഈ കോൺസെപ്റ്റിൽ നിന്നും ആദ്യകാലങ്ങളിൽ കൃത്യമായ ഒരു ഇൻകം ജനറേഷനും ഉണ്ടാക്കാൻ കഴിഞ്ഞിരുന്നില്ല. എന്നിട്ടും ഞങ്ങളെ മുന്നോട്ട് കൊണ്ടുപോയത് രണ്ട് കാര്യങ്ങൾ ആയിരുന്നു. ഞങ്ങളുടെ കുട്ടികളിൽ കാണുന്ന വേഗത്തിലുള്ള പ്രോഗ്രസ്സ്. ഞങ്ങളുടെ ചുറ്റുപാടുമുള്ള കൂട്ടുകാർക്കും പരിചയക്കാർക്കും അങ്ങനെ ഒരുപാട് പേർക്ക് ടീച്ചർ ആവാനുള്ള അവസരം നൽകാൻ സാധിച്ചു. വളരെ ഏറെ ബുദ്ധിമുട്ടുകൾ ഈ യാത്രയിൽ അഭിമുഗീകരിക്കേണ്ടി വന്നപ്പോഴും ഞങ്ങളെ തളരാതെ പിടിച്ചു നിർത്തിയത് ഈ രണ്ട് കാര്യങ്ങൾ ആണ് അതുകൊണ്ട് തന്നെ ഇങ്ങനെ ഒരു അംഗീകാരം ലഭിച്ചപ്പോൾ അതും ഫിനാൻസ് മിനിസ്റ്റർ നിർമല സീതാരാമൻ തന്നെ ഞങ്ങളുടെ ഈ സ്റ്റാർട്ട്‌ അപ്പിനെ കുറിച്ച് പരാമർശിച്ചപ്പോൾ അതൊരു അഭിമാന മുഹൂർത്തം തന്നെ ആയിരുന്നു.

എന്താണ് Finland ഗവണ്മെന്റ് നടത്തുന്ന ടാലെന്റ്റ് ബൂസ്റ്റ്‌ പ്രോഗ്രാം?

Finland ഗവണ്മെന്റ് തുടക്കം കുറിച്ച ഒരു ഇന്റർനാഷണൽ സ്റ്റാർട്ട്‌ അപ്പ്‌ സമ്മിറ്റ് ആണ് ടാലെന്റ്റ് ബൂസ്റ്റ്‌ പ്രോഗ്രാം. വിവിധ രാജ്യങ്ങളിൽ നിന്നുമുള്ള ഐഡിയകളെയും ടാലെന്റുകളെയും ഫിൻലാണ്ടിലേക്ക് സ്വാഗതം ചെയ്തുകൊണ്ട് ഫിൻലാൻഡ് ഗവണ്മെന്റ് നടത്തി വരുന്ന പ്രോഗ്രാമിലേക്ക് ഇന്ത്യയിൽ നിന്നും ആദ്യമായിട്ടാണ് ഒരു സ്റ്റാർട്ടപ്പിന് പങ്കെടുക്കാൻ ക്ഷണം ലഭിക്കുന്നതും മാത്രമല്ല ഏഷ്യയിൽ നിന്നും ഈ വർഷം സെലെക്ഷൻ നേടിയ ഒരേ ഒരു സ്റ്റാർട്ടപ്പും INTERVAL ആണെന്നുള്ളത് ഈ അംഗീകാരത്തിന് മധുരം ഇരട്ടിയാക്കുന്നു.

INTERVAL ന്റെ കോർ ടീം അംഗങ്ങൾ ആരൊക്കെ?

മലപ്പുറം വാഴയൂർ സ്വദേശി ഓ.കെ സനാഫിർ ആണ് ഫൗണ്ടർ and CEO, കൂടെ കൊണ്ടോട്ടി സ്വദേശി മുഹമ്മദ് അസ്‌ലഹ്( Co Founder),
അരീക്കോട് സ്വദേശികളായ ഷിബിലി ആമീൻ ( CFO), നജീം ഇല്ലിയാസ് (COO), Adv. റമീസ് അലി പി.കെ ( അഡ്മിനിസ്ട്രേറ്റീവ് ഡയറക്ടർ ).

ഫിൻലാൻഡ് ടാലെന്റ്റ് ബൂസ്റ്റ്‌ പ്രോഗ്രാമിൽ പങ്കെടുത്തപ്പോൾ ഉണ്ടായ എക്സ്പീരിയൻസിനെ കുറിച്ചും ഇനിയുള്ള തയ്യാറെടുപ്പുകളെ കുറിച്ചും എന്താണ് പറയാനുള്ളത്?

പ്രോഗ്രാം അറ്റൻഡ് ചെയ്തപ്പോൾ പല രാജ്യങ്ങളിൽ നിന്നുമുള്ള സ്റ്റാർട്ടപ്പുകളെ പരിചയപ്പെടാനും അവരുമായി സംവദിക്കാനും കഴിഞ്ഞു. മാത്രമല്ല ഇവിടെ ഞങ്ങൾ ചെയ്യുന്ന രീതിയിലുള്ള കസ്റ്റമൈസ്ഡ് കോഴ്സുകൾ അവിടെയും നടപ്പാക്കാനുള്ള ഗവണ്മെന്റ് സപ്പോർട്ടും അവർ നൽകി.

വൺ ട്ടു വൺ സ്ട്രാടെജി പ്രാവർത്തികമാക്കാൻ നേരിടേണ്ടി വന്ന പ്രായോഗിക ബുദ്ധിമുട്ടുകൾ എന്തെല്ലാമായിരുന്നു?

തുടങ്ങി കഴിഞ്ഞ് ആറ് മാസം ആയപ്പോഴേക്കും ഞങ്ങൾ നടത്തിയ മാർക്കറ്റ് സ്റ്റഡിയിലൂടെ മനസ്സിലാക്കാൻ സാധിച്ചു നമ്മുടെ സൊസൈറ്റിയിൽ എഴുതാനും വായിക്കാനും പോലും അറിയാത്ത കുട്ടികളാണ് അറിയുന്നവരേക്കാൾ കൂടുതൽ എന്ന്. മാർക്കറ്റ് വലുതാണെന്നു തിരിച്ചറിഞ്ഞപ്പോൾ മുതൽ അതിലേക്ക് വേണ്ട മാൻ പവർ കണ്ടെത്താനും സ്ട്രക്ചർ നിർമ്മിക്കാനുമായി കൂടുതൽ സമയം നീക്കി വെച്ചു.
ഇപ്പോൾ നിലവിൽ ഓൺലൈൻ ആയി രജിസ്റ്റർ ചെയ്ത 18000ത്തോളം ട്യൂട്ടർസ് നമ്മൂടെ പൂളിൽ ഉണ്ട്. അതിൽ നിന്നും ഫിൽട്ടർ ചെയ്തെടുത്ത 4500 പേർ ആക്റ്റീവ് ടീച്ചേഴ്സായി ഞങ്ങളുടെ കൂടെ വർക്ക്‌ ചെയ്യുന്നു.

കോഴ്സ്സുകളെ ഒന്ന് പരിചയപ്പെടുത്താമോ.

പ്രി കെ.ജി മുതൽ പ്ലസ് ടു വരെയുള്ള കുട്ടികൾക്ക് വേണ്ട ക്ലാസുകൾ നൽകി വരുന്നുണ്ട്. അതിൽ തന്നെ ബേസിക് ആയിട്ടുള്ള ഫൌണ്ടേഷൻ ഉണ്ടാക്കുന്ന കോഴ്സുകൾ, മാത്‍സ് വീക്ക്‌ ആയ കുട്ടികൾക്ക് വേണ്ട കോഴ്സുകൾ, സ്പോക്കൺ ഇംഗ്ലീഷ്, സ്പോക്കൺ ഹിന്ദി കോഴ്സുകൾ, കൂടാതെ ടീച്ചർമാർക്ക് വേണ്ടി ഇന്റർനാഷണൽ സർട്ടിഫിക്കേഷനോടും പ്ലേയ്സ്മെന്റൊടും കൂടിയ early child preparatory കോഴ്സ് മുതലായ അനവധി വൈവിധ്യമാർന്ന കോഴ്സുകൾ INTERVAL TEAM നൽകി വരുന്നു.

INTERVAL ന്റെ ഭാവി പദ്ധതികൾ എന്തൊക്കെയാണ്?

ഇനിയുള്ള കാലഘട്ടങ്ങളിൽ കസ്റ്റമൈസ്ഡ് എഡ്യൂക്കേഷനൽ സിസ്റ്റം കൂടുതൽ ആളുകൾ പ്രിഫർ ചെയ്ത് വരുന്നത് കൊണ്ട് കുട്ടികളുടെ വീക്ക് പാർട്ട്‌ മനസ്സിലാക്കി അതിനനുസരിച്ചുള്ള കോഴ്‌സുകൾ ഡിസൈൻ ചെയ്യുവാനും, നിലവിൽ ഇന്ത്യൻ മാർക്കറ്റിലും യുഎഇ യിലും മാത്രം ആണ് Interval team പ്രവർത്തിക്കുന്നത് ഭാവിയിൽ ലോകത്തെ മറ്റു ഭാഗങ്ങളിലേക്കും പ്രവർത്തനം വിപുലീകരികക്കാനുള്ള ഒരുക്കത്തിലാണ് .

പുതിയ തലമുറയോട് എന്താണ് പറയാനുള്ളത് ?

എപ്പോഴും പാഷൻ ഓറിയന്റഡ് ആയ കരിയർ തിരഞ്ഞെടുക്കുക. സക്സസ്സിനും ഹാപ്പിനെസ്സിനും തുല്ല്യ പ്രാധാന്യം കൊടുക്കുക. പലരും ആഗ്രഹങ്ങളെ മാറ്റി വെച്ച് കിട്ടുന്ന ജോലിയിൽ അഡ്ജസ്റ്റ് ചെയ്തു ജീവിതം ജീവിച്ചു തീർക്കുന്നു. അഡ്ജസ്റ്റ്മെന്റുകൾ ചെയ്യാതെ ഇഷ്ടത്തോടെ ചെയ്യുമ്പോഴേ ഒരു ജോലിയോട് നൂറു ശതമാനം ആത്മാർത്ഥത പുലർത്താനാവുകയുള്ളു. സക്സസ്സും ഹാപ്പിനെസ്സും ഒരുമിച്ച് വരും തലമുറയ്ക്ക് നൽകുക എന്നുള്ളതാണ് INTERVAL TEAMന്റെ പ്രധാന ലക്ഷ്യം.