കേക്ക് എന്നു കേള്ക്കുമ്പോഴെ വായില് വെളളമൂറാത്തവരായി ആരാണുള്ളത്. പലനിറത്തില്, വര്ണ്ണത്തില് രുചികളില് ഉള്ള കേക്കുകൾ ഇന്ന് വിപണി കീഴടക്കുന്നു. അതിനാല് രുചിയിലും ആകൃതിയിലുമെല്ലാം ചേരുവകളിലുമെല്ലാം വൈവിധ്യങ്ങള് തീര്ത്താണ് കേക്ക് വിപണിയില് റിസ്വാന എന്ന ബേക്കർ സാന്നിധ്യമുറപ്പിച്ചത്.
ഡ്രീം കേക്കില് വ്യത്യസ്തത കൊണ്ടുവന്ന ബേക്കറാണ് പാറശ്ശാലക്കാരി റിസ്വാന റംഷാനി. കോവിഡ് താണ്ഡവമാടിയ നാളുകളിലാണ് റിസ്വാന ബിസിനസ്സിലേക്ക് ചുവടുവയ്ക്കുന്നത്. കുക്കിങ്ങ് ഇഷ്ടമായ റിസ്വാന പാഷൻ പ്രൊഫഷൻ ആക്കി തീർക്കാൻ വേണ്ടിയാണ് ഈ രംഗം തിരഞ്ഞെടുത്തത് .
കേക്ക് നിർമ്മാണത്തിൻ്റെ തുടക്കം (ആണെങ്കിൽ )2019 ലായിരുന്നു. എല്ലാവരുടെയും നാവിലെ രുചിമുകളങ്ങളെയും ആസ്വാദനത്തെയും ഒരുപോലെ തൃപ്തിപ്പെടുത്തുന്നതും ഇഷ്ടപ്പെടുന്നതുമായ രീതിയിലാണ് റിസ്വാന കേക്ക് ഉണ്ടാക്കി നല്കുന്നത്. ബേക്കിങ്ങ് ഇഷ്ടമായത് കൊണ്ട് ആദ്യമൊക്കെ സുഹൃത്തുക്കൾക്കും കുടുംബക്കാർക്കും സൗജന്യമായിട്ടാണ് കേക്കുകൾ ചെയ്തു കൊടുത്തിരുന്നത്. പിന്നീട് തികച്ചും ബിസിനസ്സായി മാറ്റി.
ഇതിനെത്രമാത്രം സാധ്യത ഉണ്ട് എന്ന അന്വേഷണമായിരുന്നു ആദ്യം. തുടക്കമിട്ട സമയത്ത് വീടുകളില് കേക്ക് നിര്മാണം ഈ പ്രദേശങ്ങളിൽ അത്ര പ്രചാരത്തിലില്ല. അതുകൊണ്ടുതന്നെ വിപണി പിടിക്കാന് പ്രയാസമുണ്ടായിരുന്നില്ല.
ഡ്രീം കേക്കിൻ്റെ ഏകദേശം 10 ഓളം വെറൈറ്റികൾ റിസ്വാന ചെയ്യുന്നുണ്ട്.വൈറ്റ് ചോക്ലേറ്റ്,ഡാ൪ക്ക് ചോക്ലേറ്റ്,സ്പാനിഷ് ഡിലൈറ്റ്,ടെ൯ഡ൪ കോക്കനട്ട്,സ്ട്രോബറി,മാംഗോ,ബട്ട൪സ്കോച്ച്,പിസ്ത,ബ്ലൂബെറി,കോഫി ടോഫി എന്നിവയാണവയിൽ ചിലത്.
പിന്നെ എടുത്തുപറയേണ്ട മറ്റൊരു വ്യത്യസ്ത രുചി ഓണം സ്പെഷ്യൽ പായസം ഡ്രീം കേക്കാണ്.
ഇപ്പോൾ പ്രധാനമായും ഗ്രാ൯റ് ഡിലൈറ്റാണ് ചെയ്യുന്നത്.കേക്ക്,കാരമൽ,വാനില കസ്റ്റാ൪ഡ്,ചോക്ലേറ്റ് മോസി,പിസ്താചിയോ ഗിനാകി,ചോക്ലേറ്റ് ഗിനാകി ഇതെല്ലാം ഡിലൈറ്റിൻ്റെ 7 പ്രീമിയം ലെയറാണ്.1500 രൂപ മുതൽ തുടങ്ങുന്നു.ലോഞ്ചിങ് സമയത്ത് ഓഫ൪ വിലയായ 1350 രൂപയ്ക്കാണ് കൊടുത്തതെന്ന് റിസ്വാന പറയുന്നു. കേരളത്തിൽ ഡ്രീം കേക്കിൽ വ്യത്യസ്തത കൊണ്ടുവന്നതോടെ റിസ്വാന വാർത്തകളിലും താരമായി മാറി. ട്രെ൯ഡിംഗ് ആയതും മറ്റുള്ളവരിൽ നിന്നും വ്യത്യസ്തമായ ഐറ്റംസ് ലോഞ്ച് ചെയ്യുന്നതും റിസ്വാനയുടെ എടുത്ത് പറയേണ്ട പ്രത്യേകത തന്നെയാണ്.
വീട്ടമ്മമാര്ക്ക് വീട്ടിലിരുന്നുകൊണ്ട് നല്ലൊരു വരുമാനം ഉണ്ടാക്കാന് കഴിയുന്ന ബിസിനസ്സാണിത്. നിലവില്
ഓഫ്ലൈന്,ഓണ്ലൈന് ആയിട്ട് ഈ ഒരു കള പഠിപ്പിക്കുന്നുണ്ട് റിസ്വാന . കേക്ക് നിര്മാണത്തില് പ്രാഥമിക പാഠം അറിയാത്തവര്ക്ക് പോലും പരിശീലനം വഴി ഇത് ചെയ്യാന് സാധിക്കും. ആദ്യം ചെയ്യുമ്പോള് കുറച്ച് പ്രയാസമുണ്ടാകുമെങ്കിലും പീന്നിട് സ്വാഭാവികത കൈവരുമെന്നും റിസ്വാന പറയുന്നു.
ഉപഭോക്താക്കൾക്ക് അഭിരുചി അറിഞ്ഞ് കേക്ക് നിര്മിച്ചു കൊടുക്കുന്നതാണ് റിസ്വാനയുടെ വിജയം. “ഞാനത് ഏറ്റവും മികച്ചതായി ചെയ്യുന്നു. അതാവാം ഉപഭോക്താക്കളെ ആകര്ഷിക്കുന്നത്” റിസ്വാന പറയുന്നു. നിലവിൽ തിരുവനന്തപുരം,കന്യാകുമാരി എന്നീ ജില്ലകളിൽ കേക്ക് വിതരണം ചെയ്യുന്നുണ്ട്.
ഈ മേഖലയിൽ വിജയിച്ചത് ഇതിനോടുള്ള അഭിരുചി ഒന്ന് കൊണ്ടാണ്. വിജയത്തിലെത്താൻ പ്രേരിപ്പിച്ചതാവട്ടെ ബേക്കിംഗിനോടുള്ള അമിത താൽപ്പര്യവും .ഈ താത്പര്യമാണ് കേക്ക് നി൪മ്മാണത്തില് സ്വന്തമായ ഒരു ബ്രാന്ഡ് ന്നാ സ്വപ്നത്തിൽ എത്തിച്ചത്. ഈ മേഖല മത്സരം നിറഞ്ഞതാണ് പക്ഷെ ഞാൻ കോംപിറ്റിറ്റിവ് ആയി കണ്ടിട്ടില്ല, ഇവിടെ ഏത് മേഖലയിലെയും പോലെ ഒരുപാട് സാദ്ധ്യതകൾ ഇനിയുമുണ്ട് . ഓരോ കേക്ക് ഉണ്ടാക്കുന്നതും ഓരോ കുഞ്ഞ് ജനിക്കുന്നതു പോലെയാണ്. നമ്മുടെ കേക്ക് നല്ലതാണെകില് ഉപഭോക്താക്കൾ നമ്മേ തേടി വരും. ആശയം മികച്ചതായാൽ അതിൽ വ്യത്യസ്തത കൊണ്ടുവരാൻ ശ്രദ്ധിച്ചാൽ നമ്മളുടെ ഉൽപ്പന്നങ്ങളും വേറിട്ട് നിൽക്കും. ഞാന് പുതിയ ആശയം പരീക്ഷിച്ചു.അതില് വിജയിച്ചു. നിരവധി ബേക്കേഴ്സിനാണ് എന്റെ ക്ലാസുകൾ വഴി അവരുടെ സ്വപ്നങ്ങള് യാഥാത്ഥ്യമാവുന്നത്. പലതരത്തിലുള്ള പ്രശ്നങ്ങൾ നേരിട്ടെങ്കിലും താങ്ങും തണലുമായി നിന്നത് ഭർത്താവായ റംഷാനിയും മക്കളായ അറഫാ൯,അഹസാൻ സജ എന്നിവരാണെന്നും റിസ്വാന പറയുന്നു. അനുഭവം പങ്കുവെച്ചപ്പോൾ റിസ്വാനയുടെ വാക്കുകളില് കേക്കിന്റെ മാധുര്യം.
