സന്തോഷകരമായ ജീവിതത്തെ വിജയകരമാക്കുന്നത് ആരോഗ്യമുള്ള ശരീരമാണ്. ചിട്ടയല്ലാത്ത ജീവിത ശൈലികളും ഭക്ഷണ ക്രമങ്ങളുമാണ് മാനസിക ശാരീരികരോഗ്യത്തെ ദോഷകരമാക്കുന്നത്. ശരീരഭാരം കുറക്കുവാനും കൂടുവാനും പലതരത്തിലുള്ള ഡയറ്റ് പ്ലാനുകൾ ശരിയായ രീതിയിൽ പിന്തുടർന്നില്ലെങ്കിൽ ഗുണത്തിലുപരി അത് ദോഷകരമായി നമ്മേ ബാധിക്കും. ഇതിനൊക്കെ ഒരു പരിഹാരം എന്നനിലയിലാണ് ജീന എന്ന യുവ സംരംഭക ആലപ്പുഴയിൽ ആദ്യമായി ലോകപ്രചാരമുള്ള “മയോസ്റ്റിമുലേഷസ്” എന്ന രീതി പ്രയോജനപ്പെടുത്തിക്കൊണ്ട് “സ്ലിം ആൻഡ് ഷേപ്പ് ഹെൽത്ത്‌ കെയർ” എന്ന ഒരു വ്യത്യസ്ത ആശയവും ചികിത്സരീതിയും പിന്തുടരുന്ന ഒരു സ്ഥാപനം പ്രവർത്തിപ്പിച്ചു വരുന്നത് .
Founder of Slim and Shape Health Care.
മറ്റു പിന്തുണകളൊന്നും ഇല്ലാതെ സ്വന്തം പ്രയത്നത്തിൽ ആരംഭിച്ച സ്ഥാപനം 14 വർഷം പിന്നിടുന്ന സന്തോഷത്തിലാണ് സംരംഭകയായ ജീന ടി രാജൻ.
ഓരോ വ്യക്തിയുടെയും ആരോഗ്യ സ്ഥിതി അനുസരിച്ച് ശരിയായ ഭക്ഷണം ശരിയായ സമയത്ത് ശരിയായ അളവിൽ കഴിച്ചുകൊണ്ട് കഠിന വ്യായാമം ഇല്ലാതെ ശരീരത്തിലെ കൊഴുപ്പ് കുറച്ച് ശരീര സൗന്ദര്യം വീണ്ടെടുക്കാം എന്ന പദ്ധതിയാണ് സ്ലിം ആൻഡ് ഷേപ്പ് ഹെൽത്ത്‌ കെയർ മുന്നോട്ട് വക്കുന്നത്.
ക്ലിനിക്കൽ ന്യൂട്രിഷൻ ആൻഡ് ഡയറ്റേറ്റിക്സിൽ ബിരുദവും ഫുഡ്‌ ആൻഡ് സർവീസ് മാനേജ്മെന്റ് ആൻഡ് ഡയറ്റേറ്റിക്സിൽ ബിരുദാനന്തര ബിരുദവും കഴിഞ്ഞതിനു ശേഷം ഡയറ്റീഷൻ ആയി സ്ഥാപനങ്ങളിൽ ജോലി ചെയ്തതിനു ശേഷമാണ് സ്വന്തമായൊരു സ്ഥാപനം എന്നതിലേക്ക് എത്തിപ്പെടുന്നത് .
അച്ഛനും അമ്മയും സർക്കാർ ഉദ്യോഗസ്ഥർ ആയതുകൊണ്ട് തന്നെ സ്വന്തമായൊരു സ്ഥാപനം എന്ന ലക്ഷ്യം ജീന മുന്നോട്ടു വച്ചപ്പോൾ നേരിടേണ്ടി വന്നത് പ്രതികൂലമായ വെല്ലുവിളികളായിരുന്നു. എന്നാൽ വിവാഹത്തിനു ശേഷവും സ്വന്തം സ്വപ്നത്തെ ഉപേക്ഷിക്കാതെ മുറുകെ കൂടെ കൂട്ടുകയും സ്ലിം ആൻഡ് ഷേപ്പ് ഹെൽത്ത്‌ എന്ന സ്ഥാപനം ആരംഭിക്കുകയും ചെയ്തു.
കോവിഡ് മഹാമാരി സംരംഭത്തെ വളരെ അധികം പ്രതികൂലമായി തന്നെ ബാധിച്ചു അതെ തുടർന്ന് മൂന്ന് മാസം അടച്ചിടേണ്ടി വരികയും ചെയ്തു. ഈ സമയത്തു തന്നെയായിരുന്നു സ്വന്തം ആരോഗ്യ സ്ഥിതിയും വളരെ മോശകരമായത്. ഡിമൈലിനേഷൻ( Nerve ന്റെ covering മൈലിൻ ഷീറ്റ് ന്റെ ക്ഷതം ഉണ്ടാകുന്നത് ആണ് ഈ അസുഖം)എന്ന രോഗത്തെ വകവെക്കാതെ ഒരു ഫിനിക്സ് പക്ഷിയെപ്പോലെ ഉയർത്തെഴുന്നേറ്റു തന്റെ കൃത്യങ്ങളിൽ വീഴ്ചകളോ ഒഴിവുകഴിവുകളോ ഇല്ലാതെ മുന്നേറാൻ ജീനക്കു സാധിച്ചു.
സ്വന്തം സ്വപ്നത്തെ മറ്റൊരു പിന്തുണയുമില്ലാതെ 14 വർഷം വിജയകരമായി നടത്തിക്കൊണ്ട് പോവുക എന്നതാണ് തന്റെ ജീവിതത്തിലെ ഏറ്റവും വലിയ വിജയമായി ജീന കാണുന്നത്. അടുത്ത ലക്ഷ്യം പുരുഷന്മാർക്ക് മാത്രമായി ഒരു ബ്രാഞ്ച് ആലപ്പുഴയിൽ ആരംഭിക്കുക എന്നതാണ്. സ്വന്തം ലക്ഷ്യത്തിൽ വിശ്വാസമുണ്ടെങ്കിൽ ജീവിതത്തിലെ ഏത് പ്രതിസന്ധി ഘട്ടങ്ങളേയും അതിജീവിച്ചു സധൈര്യം മുന്നേറാൻ സാധിക്കുമെന്നാണ് ജീന തന്റെ ജീവിതത്തിലൂടെ തെളിയിച്ചു കൊണ്ടിരിക്കുന്നത്.
