സംരംഭകയിൽ നിന്നും സാമൂഹിക പ്രവർത്തകയിലേക്ക്

“ദി ആർട്ട്‌ ഓഫ് ലിവിങ് ഈസ്‌ ദി ആർട്ട്‌ ഓഫ് ഗിവിങ്ങ് ”
നിങ്ങൾ എത്രത്തോളം കൊടുക്കുന്നുവോ അത്രത്തോളം നിങ്ങൾ വളരും. ഇതാണ് രൂപ ജോർജ് എന്ന സംരംഭകയും സാമൂഹിക പ്രവർത്തകയും ആയ വനിതയ്ക്ക് വരും തലമുറയോട് പറയാനുള്ളത്.

ആരാണ് രൂപ ജോർജ്?
മയിൽവാഹനം ഗ്രൂപ്പ്, കേരളത്തിലെ ഏറ്റവും പഴക്കമേറിയതും ഇപ്പോഴും ഓടിക്കൊണ്ടിരിക്കുന്നതുമായ ബസ് സർവീസ്, മയൂര എന്ന ബ്രാൻഡ് നാമത്തിൽ അറിയപ്പെടുന്ന മയിൽവാഹനം ഇൻഡസ്ട്രീസ് ഷൊർണൂർ ബേസ്ഡ് ആയ മയിൽവാഹനം കുടുംബത്തിലെ ഇളമുറക്കാരിയായ രൂപ ജോർജ്ജ്, സ്വർണ്ണ ഹൃദയമുള്ള ഒരു സാമൂഹിക സംരംഭക കൂടിയാണ്. ശ്രീ.സി.എ. എബ്രഹാമും പരേതയായ ശ്രീമതി ഗീതാ എബ്രഹാമിന്റെയും മകളായ രൂപ ശക്തമായ ഒരു പൈതൃകത്തിന്റെ ആൾരൂപമാണ്. രൂപ ബേബി മറൈൻ ഗ്രൂപ്പിലെ ശ്രീ. ജോർജ്ജ് കെ. നൈനനെ വിവാഹം കഴിച്ചു, അവർക്ക് 2 ആൺമക്കളുണ്ട്. നിരവധി അഭിമാനകരമായ അവാർഡുകൾ രൂപയെ അംഗീകരിച്ചിട്ടുണ്ട്. 2017 ൽ, ബഹുമാനപ്പെട്ട പത്മശ്രീ ഭരത് മമ്മൂട്ടിയിൽ നിന്ന് കൈരളി ടിവി ജ്വാല യുവ വനിതാ സംരംഭക അവാർഡ് ലഭിച്ചു. അടുത്ത വർഷം വർക്കലയിൽ ശ്രീനാരായണ ധർമ്മസംഘം ട്രസ്റ്റ് സംഘടിപ്പിച്ച പരിപാടിയിൽ ശിവഗിരി മാടം അവരെ ആദരിച്ചു. കെ.വി.യുടെ നേതൃത്വത്തിൽ ഫാത്തിമ ഹോസ്പിറ്റൽ അവരെ ആദരിച്ചു.

രൂപ ജോർജിലെ സോഷ്യൽ വർക്കർ…

നമ്മുടെ സമൂഹത്തിലെ സ്ത്രീകൾക്കും കുട്ടികൾക്കും വേണ്ടി അനവധി പ്രവർത്തനങ്ങൾ നടത്തുന്നതിലും രൂപ മുൻപന്തിയിലാണ്. രൂപ ജോർജിന്റെ വിവിധ സോഷ്യൽ മീഡിയ ഗ്രൂപ്പുകൾ സ്ത്രീകൾക്ക് അവരുടെ ചർച്ചകൾ നടത്താനും, സംരംഭങ്ങൾ പ്രൊമോട്ട് ചെയ്യാനും, ഒരുമിച്ച് വളരാനും ഉള്ള പ്ലാറ്റ്ഫോമുകളാണ്.
‘ Ask women ‘ വിവിധ തരം ചർച്ചകൾ നടത്താനും, ഐഡിയകൾ ഷെയർ ചെയ്യാനും എല്ലാം സഹായിക്കുമ്പോൾ മറ്റു ഗ്രൂപ്പുകൾ ആയ ‘globetrotter’s’ യാത്രകളെ സംബന്ധിച്ച്, ‘Mindful Solutions’ സൈക്കോളജിക്കൽ സൈകാട്രി സംബന്ധിച്ചുള്ള ഹീലിംങ്ങ് പ്രോസസ്സ് തുടങ്ങിയവയാണ് രൂപ നേതൃത്വം നൽകി രൂപീകരിച്ച ഗ്രൂപ്പുകൾ. ഈ ഗ്രൂപ്പുകൾ എല്ലാം തന്നെ യാതൊരു മോണിട്ടറി ബെനിഫിറ്റും ഇല്ലാതെ ഒരുപാട് ടൈം ഇൻവെസ്റ്റ്‌ ചെയ്ത് രൂപ തുടങ്ങിയവയാണ്. ഈ സോഷ്യൽ നെറ്റ്‌വർക്കിങ്ങ് പ്ലാറ്റ്ഫോമുകൾ ഒരാളുടെ സൃഷ്ടിപരമായ ആഗ്രഹങ്ങളും ചിന്തകളും ആശയങ്ങളും സ്വതന്ത്രമായി വിവേചനരഹിതമായ സമീപനത്തിലൂടെ പ്രകടിപ്പിക്കുന്നതിനുള്ള വേദികളാണ് . ഇങ്ങനത്തെ പ്ലാറ്റ്ഫോമുകൾ വഴി സാധാരണ വീട്ടമ്മയായി ഒതുങ്ങി നിന്ന സ്ത്രീകൾ പലരും സംരംഭകരായി മാറി എന്നുള്ളത് തന്നെയാണ് ഈ പ്ലാറ്റ്ഫോമുകളുടെ വിജയവും.

സ്‌കൂളുകളിൽ ശുചിത്വം ഉറപ്പാക്കുകയും പ്ലാസ്റ്റിക് ഉപയോഗത്തിന്റെ ദോഷവശങ്ങൾ പഠിപ്പിക്കുകയും ചെയ്യുന്ന ബിൻ ഇറ്റ് ഇന്ത്യ പോലുള്ള വിവിധ സാമൂഹിക പ്രവർത്തനങ്ങളിലും കമ്മ്യൂണിറ്റി പ്രോജക്ടുകളിലും രൂപ സജീവ പങ്കാളി ആയിരുന്നു . പാഴ് വസ്തുക്കളിൽ നിന്നും റീസൈക്കിൾ ചെയ്ത് ഉപയോഗപ്പെടുത്താവുന്ന വസ്തുക്കൾ നിർമ്മിക്കാനും രൂപ വിദ്യാർത്ഥികളെ പഠിപ്പിക്കുന്നുണ്ട്. പ്രീ ലവ്ഡ് എന്ന പേരിൽ പുതുതായി ഒരു സെല്ലിങ്ങ് ഗ്രൂപ്പ്‌ തുടങ്ങിയതും ഈ ഒരു റീ യൂസ്, റീ സൈക്കിൾ, റെഡ്യൂസ് എന്നീ ആശയത്തിനെ ചുറ്റിപറ്റിയാണ്.മാത്രമല്ല ലഹരിക്കെതിരെയുള്ള വിവിധ ക്യാമ്പയിനുകളും കഴിഞ്ഞ ഏഴു വർഷമായി 250ൽ അധികം സ്‌കൂളുകളിൽ പ്രകൃതി സംരക്ഷണ ക്ലാസ്സുകളും ബോധവൽക്കരണങ്ങളും രൂപ നൽകി വരുന്നു.

കേരളത്തിലെ സ്ത്രീകൾ പരിശീലിക്കുന്ന ഏറ്റവും പഴക്കമേറിയ കരകൗശലങ്ങളിലൊന്നായ പൈൻ പായയുടെ നെയ്ത്തിന് പിന്തുണ നൽകുന്ന കിഡ്‌സ് കോട്ടപ്പുറം എന്ന സംഘടനയുടെ ഗുഡ്‌വിൽ അംബാസഡറായ രൂപയെ ലോകത്തിലെ ഒന്നാം നമ്പർ ചാരിറ്റി ഓർഗനൈസേഷനായ കത്തോലിക്ക ചർച്ചിന്റെ കാരിത്താസ് ഇന്ത്യയുടെ ആദരവും തേടി എത്തിയിരുന്നു.

പാരമ്പര്യമായി തന്നെ ബിസിനസ്സുകാരിയായ രൂപ തന്റെ സമൂഹത്തിനും സഹജീവികൾക്കും വേണ്ടി യാതൊരു ലാഭേച്ചയും ഇല്ലാതെ നൽകുന്ന സമയത്തിനും പ്രവർത്തനങ്ങൾക്കും നമ്മുടെ സമൂഹത്തെ ഒരുപാട് ഉന്നത തലങ്ങളിലേക്ക് എത്തിക്കാൻ കഴിയുമെന്ന് നിസ്സംശയം പറയാം.