വർഷങ്ങളായി ചെക്കുകൾ ഇഷ്യൂ ചെയ്യുന്ന / ബൗൺസ് ചെയ്യുന്ന /കൈകാര്യം ചെയ്യുന്ന രീതിയിൽ നിരവധി സുപ്രധാനമാറ്റങ്ങൾ ഉണ്ടായിട്ടുണ്ട് .രാജ്യത്ത് വാണിജ്യത്തിലും വ്യാപാരത്തിലും ദ്രുതഗതിയിലുള്ള വർദ്ധനവിനൊപ്പം ചെക്കിന്റെ ഉപയോഗവും വർദ്ധിച്ചു .ചെക്കുമായി ബന്ധപ്പെട്ട തർക്കങ്ങൾ നെഗോഷ്യബിൾ ഇൻസ്ട്രുമെന്റ് ആക്ട് 1881 ലെ വ്യവസ്ഥകൾ അനുസരിച്ചാണ് നിയന്ത്രിക്കുന്നത് . പണത്തിന്റെ അപരാപ്ത്യത മൂലമോ മറ്റു കാരണങ്ങളാലോ ഒരു ചെക്ക് ഡിസ്ഹോണർ ആവുന്ന അവസരത്തിൽ അത് ജുഡീഷ്യൽ മാർഗ്ഗങ്ങളിലൂടെ നേരിടാൻ പറ്റുന്ന എ൯ഐ ആക്ട് സാഹചര്യമുണ്ടാക്കി . ഒരു കടമോ ബാധ്യതയോ മൊത്തമായോ ഭാഗികമായോ ഡിസ്ചാർജ് ചെയ്യുന്നതിനായി ചെക്ക് ഇഷ്യൂ ചെയ്തു തങ്ങളുടെ ബാധ്യത തീർക്കാൻ എന്ന വ്യാജേന യഥാർത്ഥത്തിൽ അങ്ങനെ ചെയ്യാൻ ഉദ്ദേശമില്ലാതെ നൽകിയ ചെക്കുകൾ ഡിസ്ഹോണർ ആവുന്ന സാഹചര്യങ്ങളിൽ വേഗത്തിൽ നിയമനടപടികൾ സ്വീകരിച്ച് ശിക്ഷിക്കുന്നതിന് ഈ നിയമനിർമ്മാണം സാഹചര്യം ഒരുക്കി . ചെക്ക് ബാങ്കിൽ പ്രസന്റ് ചെയ്തു ഡിസ്ഹോണർ ആയാൽ ചെക്ക് നൽകിയ ആൾക്ക് രജിസ്റ്റേഡ് ലേബർ നോട്ടീസ് അയച്ചു 15 ദിവസത്തിനകം കുടിശ്ശികത്തുക അടയ്ക്കണമെന്ന് ആവശ്യപ്പെടുന്നതോടുകൂടി നിയമ നടപടി പ്രക്രിയ ആരംഭിക്കുകയും നോട്ടീസിൽ പറഞ്ഞിരിക്കുന്ന നിശ്ചിത കാലയളവിനുള്ളിൽ പണം അടയ്ക്കുന്നതിൽ ഡ്രോയർ പരാജയപ്പെട്ടാൽ നോട്ടീസ് അയച്ച ആൾക്ക് നെഗോഷ്യബിൾ ഇൻസ്ട്രുമെന്റ് ആക്ടിലെ സെക്ഷൻ 138 പ്രകാരം അധികാരപരിധിയിലുള്ള മജിസ്ട്രേറ്റ് കോടതിയിൽ പരാതി ബോധിപ്പിക്കാൻ കഴിയും.
നോട്ടീസ് കാലാവധി അവസാനിച്ച് ഒരു മാസത്തിനകം ഇത്തരത്തിലുള്ള പരാതി നൽകണം . പരാതി ലഭിച്ചാൽ ഡ്രോയറിന് / പ്രതിക്ക് കോടതി സമൻസ് അയക്കുകയും സമൻസ് കൈപ്പറ്റിയിട്ടും പ്രതിഹാജ് ആവാതെ ഇരുന്നാൽ പ്രതിക്കെതിരെ വാറണ്ട് പുറപ്പെടുവിക്കുകയും കോടതി സമൻസ് കോടതിയിൽ ഡ്രോയർ/ പ്രതി ഹാജരായാൽ ജാമ്യം എടുത്ത് കേസ് നടത്തേണ്ടതുമാണ് .ഡ്രോയർ പ്രതി കുറ്റക്കാരൻ ആണെന്ന് കോടതി കണ്ടെത്തിയാൽ നിയമം അനുശാസിക്കുന്ന പ്രകാരം പിഴയോ തടവോ അനുഭവിക്കേണ്ടിവരും .ചെക്കുമായി ബന്ധപ്പെട്ട തർക്കങ്ങളിൽ ന്യായവും കാര്യക്ഷമവുമായ പരിഹാരമുറപ്പാക്കുന്നതിന് നെഗോഷ്യബിൾ ഇൻസ്ട്രുമെന്റ് വളരെ വലിയ പങ്കുവഹിച്ചിട്ടുണ്ട് .
