നമ്മൾക്കുള്ളിൽ അടങ്ങിയിരിക്കുന്നത് കഴിവുകളുടെ ഒരു കലവറ തന്നെയാണ്. പക്ഷേ, അതിന്റെ വെറും 10% മാത്രമേ നാം പ്രയോജനപ്പെടുത്തുന്നുള്ളൂ എന്നതാണ് ഞെട്ടിക്കുന്ന സത്യം. ചിന്തയുടെ ശക്തിയെ യഥാർത്ഥമായ അർത്ഥത്തിൽ പ്രയോജനപ്പെടുത്തുന്നവർ വെറും 1-5% മാത്രം. നമ്മുടെ ഉള്ളിലെ 90% ശേഷിയും പ്രയോജനപ്പെടുത്താതെ കിടക്കുന്നത് ജീവിതത്തിന്റെ വിവിധ മേഖലകളിൽ നമുക്ക് സാധ്യതപ്പെടുന്ന വളർച്ചയുടെ അനന്തത നഷ്ടപ്പെടുത്തുന്നു. ഗ്രാൻഡ് കാർഡോണിന്റെ പ്രശസ്തമായ 10X വളർച്ചയുടെ നിയമം ഇതിനെ ഊന്നിപ്പറയുന്നു.
ലക്ഷ്യസ്ഥാപനം, ശ്രദ്ധ, വ്യക്തമായ ദിശ, കഠിനാധ്വാനം, വിശ്വാസം എന്നിവയാണ് യഥാർത്ഥത്തിൽ പ്രധാനപ്പെട്ടത്. ഈ ഘടകങ്ങൾ സമന്വയിപ്പിച്ചാണ് 10X വളർച്ച സാധ്യമാകുന്നത്.
ആരാണ് നമ്മുടെ ശത്രു….????
നമ്മെ രൂപപ്പെടുത്തുന്നത് നമ്മുടെ മാതാപിതാക്കളും സമൂഹവും അധ്യാപകരും സുഹൃത്തുക്കളും കുടുംബവും മതവും വിദ്യാഭ്യാസ സംവിധാനവുമെല്ലാം ചേർന്നാണ്. ഇവയെല്ലാം നമ്മിൽ പലപ്പോഴും പരിമിതമായ വിശ്വാസങ്ങൾ വളർത്തുന്നു. നമുക്ക് എന്തിനൊക്കെ കഴിയുമെന്ന് നമ്മൾ തന്നെ തിരിച്ചറിയാതെ പോകുന്നു. ഇതിനെ “അനുരൂപീകരണം” (Conformity) എന്നു വിളിക്കാം. നമ്മെ ചുറ്റിപ്പറ്റി ഒരു “സ്ക്രിപ്റ്റ്” ഉണ്ട് എന്നു തോന്നിയേക്കാം. അതിനുള്ളിൽ നിന്നും പുറത്തുചാടാനും സ്വന്തം വഴി തിരഞ്ഞെടുക്കാനും നമുക്ക് ഭയം തോന്നിയേക്കാം. വിവരങ്ങളുടെ പ്രളയത്തിൽ മുങ്ങിനിൽക്കുമ്പോൾ എന്തും സാധ്യമാണെന്ന് വിശ്വസിക്കാനുള്ള ചങ്കൂറ്റം നഷ്ടപ്പെടുന്നു. “ഇത് സാധ്യമല്ല” എന്ന ന്യായങ്ങൾ കണ്ടെത്താൻ എളുപ്പമാകുന്നു.
എന്താണ് നാം ചെയ്യേണ്ടത്……???
എന്നാൽ, ഈ ചിന്താഗതിയെ വെല്ലുവിളിക്കേണ്ടതുണ്ട്. നമ്മൾ കേവലം അനുരൂപമായി ജീവിക്കാൻ ഉദ്ദേശിച്ചുള്ളവരല്ല. നമ്മുടെ അനന്തമായ കഴിവുകളെ പുറത്തെടുക്കാനും നമ്മുടെ സ്വപ്നങ്ങൾ പിന്തുടരാനും നമുക്ക് അവകാശമുണ്ട്. ഇതിനായി, പരിമിതമായ വിശ്വാസങ്ങളെ തകർക്കുകയും നമ്മെ തടഞ്ഞുവയ്ക്കുന്ന ചട്ടക്കൂടുകളിൽ നിന്ന് പുറത്തുകടക്കുകയും വേണം.
സംശയം ആണ് നമ്മുടെ ശത്രു. നമ്മുടെ കഴിവുകളെ പരിമിതപ്പെടുത്തുന്ന സാഹചര്യങ്ങളെ തിരിച്ചറിഞ്ഞ്, അതിനപ്പുറത്തേക്ക് ചിന്തിക്കാനും പ്രവർത്തിക്കാനുമുള്ള ധൈര്യം വേണം. സംശയങ്ങൾ ഉപേക്ഷിച്ച് വിശ്വാസത്തോടെ മുന്നോട്ട് പോകുമ്പോൾ എന്തും സാധ്യമാണെന്ന് ചരിത്രം തന്നെ സാക്ഷ്യപ്പെടുത്തുന്നു.
“തിങ്ക് ആൻഡ് ഗ്രോ റിച്ച്”: നെപ്പോളിയൻ ഹിൽ എഴുതിയ ഈ പുസ്തകം വിജയം നേടാനുള്ള 13 തത്വങ്ങൾ വിശദീകരിക്കുന്നു. കഠിനാധ്വാനം, ശക്തമായ ആഗ്രഹം, പോസിറ്റീവ് ചിന്ത തുടങ്ങിയവയുടെ പ്രാധാന്യം ഊന്നിപ്പറയുന്നു.
“ആൽക്കെമിസ്റ്റ്”: പൗലോ കൊയ്‌ലോയുടെ ഈ നോവൽ സ്വപ്നങ്ങൾ പിന്തുടരാനും പ്രതിബന്ധങ്ങളെ മറികടക്കാനുമുള്ള പ്രചോദനം നൽകുന്നു. ലക്ഷ്യസ്ഥാനത്തിന്റെ പ്രാധാന്യവും നിങ്ങളുടെ ഹൃദയത്തിന്റെ ശബ്ദം കേൾക്കാനുള്ള ആഹ്വാനവും ഇതിൽ ഉൾപ്പെടുന്നു. “പവർ ഓഫ് പോസിറ്റീവ് തിങ്കിങ്”: നോർമൻ വിൻസെന്റ് പീലിന്റെ ഈ കൃതി പോസിറ്റീവ് ചിന്തയുടെ മാനസിക, ശാരീരിക ഗുണങ്ങൾ വിശദീകരിക്കുന്നു. നല്ല ചിന്തകൾ ജീവിതത്തിൽ പോസിറ്റീവ് മാറ്റം വരുത്തുമെന്ന് ഇത് വാദിക്കുന്നു. ‘ദി പവർ ഓഫ് ദി സബ്കോൺഷ്യസ് മൈൻഡ് “: ജോസഫ് മർഫിയുടെ ഈ പുസ്തകം നിങ്ങളുടെ ബോധമനസ്സിന്റെ ശക്തിയെക്കുറിച്ചും അതിനെ പോസിറ്റീവ് മാറ്റങ്ങൾക്കായി എങ്ങനെ ഉപയോഗിക്കാമെന്നതിനെക്കുറിച്ചും പ്രതിപാദിക്കുന്നു.
“സീക്രെട് “: റോണ്ടാ ബൈരൺ രചിച്ച ഈ പുസ്തകം ആകർഷണ നിയമത്തെ കുറിച്ചുള്ള ആശയങ്ങൾ അവതരിപ്പിക്കുന്നു. നിങ്ങൾ ചിന്തിക്കുന്ന കാര്യങ്ങൾ നിങ്ങളുടെ ജീവിതത്തിൽ പ്രതിഫലിക്കുമെന്നാണ് ഇതിന്റെ കാതൽ.
“സൈക്കോളജി ഓഫ് മണി”: മോർഗൻ ഹൗസൽ രചിച്ച ഈ പുസ്തകം നിങ്ങളുടെ ധനസ്ഥിതിയോടുള്ള മനോഭാവത്തിന്റെ പ്രാധാന്യം ഊന്നിപ്പറയുന്നു. പണത്തെക്കുറിച്ചുള്ള നിങ്ങളുടെ വിശ്വാസങ്ങൾ, ചിന്തകൾ, ശീലങ്ങൾ എന്നിവ നിങ്ങളുടെ സാമ്പത്തിക ഭാവി നിർണയിക്കുമെന്ന് ഇത് വാദിക്കുന്നു.
“മൈൻഡ്സെറ്റ് “: ക്രോൾ ഡുക്ക് രചിച്ച ഈ പുസ്തകം വളർച്ച മനസ്ഥാപനം (growth mindset) എന്ന ആശയം അവതരിപ്പിക്കുന്നു. വെല്ലുവിളികളെ അവസരങ്ങളായി കാണുകയും നിരന്തര പഠനത്തിലൂടെ വളരാനുള്ള മനോഭാവത്തിന്റെ പ്രാധാന്യം ഇത് ഊന്നിപ്പറയുന്നു.
“ഹാപ്പി മണി “: ജെന്നി ബ്ലെയ്ക്ക് എഴുതിയ ഈ പുസ്തകം ധനത്തേക്കാൾ സന്തോഷം പ്രധാനമാണെന്ന കാഴ്ചപ്പാട് മുന്നോട്ട് വയ്ക്കുന്നു.
എങ്ങനെ 10 ഇരട്ടി മാറ്റം ഉണ്ടാക്കാം…..????
സ്വയം ചോദിക്കുക:
ഞാൻ ജീവിക്കുന്നത് യഥാർത്ഥത്തിൽ ഞാൻ ആഗ്രഹിക്കുന്ന ജീവിതമാണോ?
എന്റെ സ്വപ്നങ്ങൾ പിന്തുടരാൻ എന്നെ എന്താണ് തടയുന്നത്?
ഞാൻ എന്റെ പരിമിതികൾ വിശ്വസിക്കേണ്ടതുണ്ടോ?
എന്നെ പൂർണ്ണമായി പുറത്തെടുക്കാൻ ഞാൻ എന്തുചെയ്യണം?
സ്വയം വിശ്വസിക്കുക. നിങ്ങളുടെ അതിരുകൾ മറികടക്കാനും നിങ്ങളുടെ സ്വപ്നങ്ങൾ സാക്ഷാത്കരിക്കാനുമുള്ള ശക്തി നിങ്ങൾക്കുണ്ട്. ചുറ്റുപാടുകളുടെ സ്വാധീനത്തിൽ നിന്ന് സ്വയം മോചിപ്പിക്കുക. നിങ്ങളുടെ ഹൃദയത്തിന്റെ ശബ്ദം കേൾക്കുക. സ്വന്തമായ വഴിയിലൂടെ സഞ്ചരിക്കുക. നിങ്ങളുടെ യാത്രയിൽ വിജയം കൈവരിക്കുക.
