1.ഡാൻസ് പഠനം എപ്പോൾ മുതൽ ആരംഭിച്ചു ? എങ്ങനെയായിരുന്നു തുടക്കം, ഇതിനായി എടുത്ത തയ്യാറെടുപ്പുകൾ ?
പ്ലസ് വൺ പഠിക്കുമ്പോഴാണ് ഡാൻസ് ആരംഭിച്ചത്. കോളേജിൽ പഠിക്കുമ്പോൾ ഡാൻസ് ചെയ്ത് ഒരുപാട് കയ്യടി നേടാൻ സാധിച്ചു. ഒരു കുട്ടിയെ ഡാൻസ് പഠിപ്പിച്ചിരുന്നു ആ സമയത്ത്, ആ കുട്ടി നന്നായി പെർഫോം ചെയ്ത ഒരു റിസൾട്ട്‌ കണ്ടപ്പോഴുണ്ടായ ഫീലും ഒരു കൂട്ടം ആളുകളുടെ കയ്യടി കിട്ടിയപ്പോൾ ഉണ്ടായ സന്തോഷവും എല്ലാം കൊണ്ടാണ് മനസ്സിൽ ഈ ഒരു പാഷൻ അടിയുറച്ചത്.
2.ഇങ്ങനെ ഒരു വെറൈറ്റി മേഖല പ്രൊഫഷനായി തിരഞ്ഞെടുത്തതിനെ കുറിച്ച് ഒന്ന് പറയാമോ?
ജനപ്രീതി, അഭിനന്ദനങ്ങൾ, ഒരു വേദിയിൽ ഡാൻസ് ചെയ്യുമ്പോൾ ലഭിക്കുന്ന കയ്യടി നെടുമ്പോൾ ലഭിക്കുന്ന സന്തോഷം ഇവയെല്ലാം എന്നെ സംബന്ധിച്ച് വളരെ വലിയ ഒരു കാര്യമായിരുന്നു. പഠനം മാറ്റിവെച്ചിട്ടാണ് ഇതിലേക്ക് ഇറങ്ങി തിരിച്ചത്. സാമ്പത്യപരമായി നേട്ടങ്ങൾ ഉണ്ടാക്കാൻ കഴിഞ്ഞില്ലെങ്കിലും ഈ ഒരു പാഷനിൽ ഉറച്ചു നിൽക്കാൻ തീരുമാനിച്ചത് ഇപ്പോൾ ജീവിതം തന്നെ മാറാൻ ഇടയാക്കി.
3. പാഷൻ പ്രൊഫഷൻ ആക്കിയപ്പോൾ നേരിട്ട ബുദ്ധിമുട്ടുകൾ?
സാമ്പത്തികമായി നേട്ടങ്ങൾ ഒന്നും കൈവരിക്കാൻ സാധിച്ചിരുന്നില്ല, അതിന് കുറെ സമയമെടുത്തു. വീട്ടിൽ തന്നെ ആയിരുന്നു ആദ്യം കുട്ടികൾക്ക് ക്ലാസ്സ് നൽകി വന്നത്. ഫീസ് മാസം തോറും ലഭിക്കുന്നത് വളരെ പറയണമായിരുന്നു ആദ്യമൊക്കെ, പലരും പല സമയങ്ങളിൽ ആയിരുന്നു നൽകി വന്നത്.
4. ഈ മേഖലയിൽ എത്രത്തോളം നേട്ടങ്ങൾ കൈവരിക്കാനും തന്റേതായ വേറിട്ടൊരു രീതിയിൽ എങ്ങനെയാണ് പോപ്പുലർ ആവാനും സാധിച്ചത്?
ചാനലുകൾ വഴിയാണ് ആദ്യമൊക്കെ പോപ്പുലർ ആവാൻ തുടങ്ങിയത്. അമൃത ചാനലിലെ ഒരു പ്രോഗ്രാമിൽ ആയിരുന്നു ആദ്യം പങ്കെടുത്തത്. പിന്നെ ഏഷ്യാനെറ്റിലെ പ്രോഗ്രാം ചെയ്തു. ചാനലുകളിലൂടെ വന്നതുകൊണ്ടാണ് ആളുകളുടെ ഇടയിലേക്ക് കൂടുതൽ സ്വീകാര്യതയും വിശ്വാസവും ലഭിച്ചത്.
5. പ്രണയിനിയെ കുറിച്ചും പ്രണയത്തെ കുറിച്ചും ഒന്ന് പറയാമോ?
ഭാര്യ തന്നെയാണ് പ്രണയിനി, പേര് ആര്യ. കണ്ടുമുട്ടിയത് കുടുംബത്തിലുണ്ടായ ഒരു കല്യാണത്തിന്റെ ഇടയിലായിരുന്നു. ഒരു ബ്രേക്ക്‌ അപ്പ്‌ കഴിഞ്ഞ് നിൽക്കുന്ന സമയത്താണ് അവളെ കണ്ടു മുട്ടുന്നത്, വളരെ പെട്ടന്ന് തന്നെ പരസ്പരം ഇഷ്ടപ്പെട്ടു, ഞാൻ മുൻകയ്യെടുത്ത് അതൊരു കല്യാണത്തിലേക്ക് വേഗം എത്തിച്ചു, എനിക്ക് അന്ന് പ്രായം വെറും 23 വയസ്സായിരുന്നു. ഒരു പെണ്ണിന്റെ പാർട്ണർഷിപ്പ് ലഭിക്കാൻ വളരെ താല്പര്യം ഉണ്ടായിരുന്നു അതുകൊണ്ട് തന്നെ വളരെ പെട്ടന്ന് കല്യാണം കഴിച്ചു. പ്രണയത്തെ കുറിച്ച് പറഞ്ഞാൽ പ്രണയം എന്ന വികാരം എപ്പോഴും ഉണ്ടാവാം അതിന് പ്രത്യേകിച്ചു ഒരു ദിവസം ഉണ്ടാകണം എന്നില്ല, എന്നെ സംബന്ധിച്ച് എന്നാണോ നമ്മുടെ ആത്മസുഹൃത്തായ നമ്മുടെ ജീവിതപങ്കാളിയെ നമ്മൾ കണ്ടെത്തുന്നത് അന്നാണ് വാലൻന്റൈൻസ് ഡേ, അത് എന്നായാലും.
6. P സ്കൂളിനെ കുറിച്ച്, നിലവിലെ കോഴ്സുകൾ, മറ്റുള്ള സ്കൂളുകളിൽ നിന്നും വേറിട്ട്‌ നിൽക്കുന്നത് എങ്ങനെ?
ദൈവത്തിന്റെ ഒരു അനുഗ്രഹം പോലെ എന്നിൽ വന്ന് ചേർന്ന ഒരു സ്ഥാപനമാണ് P സ്കൂൾ. “P” എന്ന് ഉദ്ദേശിക്കുന്നത് പോസിറ്റിവിറ്റി എന്നാണ്, അത് തന്നെയാണ് ഇവിടെ എത്തുന്ന ഓരോ ആളുകൾക്കും നമ്മൾ നൽകി വരുന്നതും. P സ്കൂൾ ഇത്രമാത്രം സക്സസ്സ് ആക്കി എടുക്കാൻ എന്റെ കൂടെ നിന്നതും എന്റെ ബിസിനസ്സ് പാർട്ണർ ആയ സജിത കുറുപ്പ് ആണ്. ഒരുപാട് മറ്റ് ബിസിനസുകൾ ഉണ്ടെങ്കിൽ കൂടി P സ്കൂളിന് ഒരുപാട് പ്രാധാന്യം നൽകുന്നുണ്ട് സജിത. ജീവിതത്തിൽ കടപ്പെട്ടിരിക്കുന്നു ഒരുപാട് വ്യക്തികളിൽ വളരെ എടുത്ത് പറയേണ്ട ഒരാൾ തന്നെയാണ് സജിത.
7. P സ്കൂളിന്റെയും സാറിന്റെയും ഭാവി പദ്ധതികൾ?
ജീവിതത്തിൽ ഉള്ളത് ചെറിയ ചെറിയ ആഗ്രഹങ്ങൾ മാത്രമാണ്, അവയെല്ലാം സാധിക്കാനും ദൈവം സഹായിച്ച് കഴിഞ്ഞു. പല സ്ഥലങ്ങളിൽ ജോലി ചെയ്യുകയൊക്കെ ഉണ്ടായിട്ടുണ്ട് ജീവിതത്തിൽ പക്ഷെ അതിൽ നിന്നൊന്നും ഒരു നേട്ടവും ഉണ്ടാകാൻ സാധിച്ചിരുന്നില്ല, ജീവിതത്തിൽ പല നേട്ടങ്ങളും വന്നത് P സ്കൂൾ വന്നതിന് ശേഷമാണ്. 2023 ഇലാണ് എന്റെ ജീവിതം മാറി മറിയുന്നത്.
8. ഈ മേഖലയിലേക്ക്‌ കടന്നു വരുന്ന യുവ തലമുറയോട് പറയാൻ ഉള്ളത്.
ഏത് ജോലി ആണെങ്കിലും അത് ഇഷ്ടപ്പെട്ട് ചെയ്യുക, അതിൽ ഹാർഡ് വർക്ക്‌ ചെയ്യുക. തോൽവികൾ നേരിട്ടാലും പിന്മാറാതെ ഹാർഡ് വർക്ക്‌ ചെയ്യുക എന്നായാലും ആ അധ്വാനത്തിന്റെ ഫലം നമുക്ക് ലഭിക്കാതിരിക്കില്ല. പന്ത്രണ്ട് കൊല്ലം ഞാൻ ഈ മേഖലയിൽ ഒരു ലാഭവും ഇല്ലാതെ പിടിച്ചു നിന്നു, അതുകൊണ്ട് തന്നെയാണ് ഇപ്പോൾ എനിക്ക് സക്സസ്സ് ആവാൻ കഴിഞ്ഞതും സ്വന്തമായി ഒരു സ്ഥാനം ഉണ്ടാക്കി എടുക്കാൻ പറ്റിയതും.
9.ഏത് തരം ഡാൻസുകൾ ആണ് കൂടുതൽ ഇഷ്ടം? ഡാൻസിലെ ഗുരു ആയിരുന്നു കാണുന്നത് ആരെയാണ്?
എല്ലാ തരം ഡാൻസുകളും ഇഷ്ടമാണ്. എന്റെ ശരീരത്തിന് ചേരുന്നതും വഴങ്ങുന്നതുമായ സ്റ്റൈലുകളാണ് കൂടുതലും ഫോക്കസ് ചെയ്യുന്നത്. ഒരു ഓപ്പൺ സ്റ്റൈൽ ഡാൻസ് മോഡ് ആണ് ഞാൻ കൂടുതലും ചെയ്യാറുള്ളത്. ഡാൻസ് പഠിക്കുന്നതിന് വേണ്ടി എവിടെയും പോയിട്ടില്ല എന്റെ മാസ്റ്റർ എന്ന് പറയുന്നത് എന്റെ കണ്ണാടിയാണ് അതിൽ നോക്കിയാണ് നൃത്തം ചെയ്യുന്നത്. ടി വിയിൽ ഡാൻസുകൾ കണ്ടും അതുപോലെ കളിച്ചു നോക്കിയും ഒക്കെയാണ് തുടങ്ങിയത്. ഡാൻസുകളെക്കാളും പാട്ടിനെ ആണ് കൂടുതലും ഇഷ്ടപ്പെടുന്നത് അതും പഴയ 90 കളിലെ പാട്ടുകൾ, പാടാൻ എനിക്ക് കഴിവില്ലാത്തതുകൊണ്ട് ആ ഇഷ്ടം ഡാൻസിലൂടെ പ്രകടിപ്പിക്കുന്നു.
10.ഡാൻസിന് പുറമെ ഫിറ്റ്നസ്, സുമ്പാ ക്ലാസുകൾ എപ്പോഴാണ് തുടങ്ങിയത്?
ഡാൻസിലൂടെ വിചാരിച്ചൊരു രീതിയിലുള്ള വരുമാനം വരാത്തതുകൊണ്ടാണ് ഫിറ്റ്നസ് കൂടി നൽകി തുടങ്ങിയത്. കോഴിക്കോട് ആദ്യമായി സുമ്പാ ക്ലാസുകൾ കൊണ്ടുവന്നത് P സ്കൂൾ ആണ് എന്നതും എടുത്ത് പറയേണ്ടതാണ്.
11. എന്തുകൊണ്ടാണ് സ്ത്രീകളെ മാത്രം പ്രിഫർ ചെയ്യുന്നു?
ഒന്നാമത്തെ കാരണം എന്നോട് ഏറ്റവും കൂടുതൽ താല്പര്യം ഉള്ളത് സ്ത്രീകൾക്കാണ്. ഒരുപാട് നല്ല പരിശുദ്ധമായ സൗഹൃദങ്ങൾ എനിക്കുള്ളത് സ്ത്രീകളോടാണ്. സ്കൂൾ കോളേജ് ലൈഫിലും ഞാൻ ഒരുപാട് കഷ്ടപ്പെട്ട സമയങ്ങളിലും, മാനസികമായി തളർന്നപ്പോഴും എല്ലാം കൂടെ നിന്ന് എന്നെ പിന്തുണച്ചതും ധൈര്യം നൽകിയിരുന്നതും എല്ലാം സ്ത്രീകളാണ്, പെൺസുഹൃത്തുക്കളായിരുന്നു. വീട്ടിലെ കാര്യം നോക്കിയാലും അച്ഛനെക്കാളും ഒരുപാടു മുകളിൽ സപ്പോർട്ട് നൽകുന്നത് അമ്മയാണ്. അങ്ങനെ മൊത്തത്തിൽ എന്റെ ജീവിതം നോക്കിയാൽ എനിക്ക് സ്ത്രീകളെയാണ് ഒരുപാട് ഇഷ്ടവും അവരിൽ നിന്നുമാണ് ഒരുപാട് പിന്തുണ ലഭിച്ചതും.
8848002548
