നമ്മിൽ പലർക്കും നമ്മുടെ ബാല്യകാല ഓർമ്മകൾ തിരികെ കൊണ്ടുവരുന്ന ഒരു പേരാണ് പാർലെ-ജി, അല്ലേ ? ഈ ബിസ്കറ്റുകൾക്കൊപ്പം രാവിലെയും വൈകുന്നേരവും ചായ കുടിക്കുന്നത് 80 കളിലും 90 കളിലും ജനിച്ചവരുടെ ജീവിതത്തിലെ ഒരു വലിയ നൊസ്റ്റാൾജിയയാണ് .
വർഷം 1929, മുംബൈ ആസ്ഥാനമായുള്ള പട്ട് വ്യാപാരികളുടെ കുടുംബമായ ചൌഹാൻസ് കുടുംബത്തിലെ മോഹൻലാൽ ദയാൽ സ്വദേശി പ്രസ്ഥാനത്തിനാൽ ആഴത്തിൽ സ്വാധീനിക്കപ്പെടുകയും മിഠായികൾ (വേവിച്ച മധുരപലഹാരങ്ങൾ പോലുള്ളവ) നിർമ്മിക്കുന്നതിനായി ഒരു പഴയ ഫാക്ടറി വാങ്ങുകയും നവീകരിക്കുകയും ചെയ്തു.
മിഠായി നിർമ്മാണ കല പഠിക്കാൻ ഏതാനും വർഷങ്ങൾക്ക് മുമ്പ് അദ്ദേഹം ജർമ്മനിയിലേക്ക് കപ്പൽ കയറുകയും തുടർന്ന് ആവശ്യമായ കഴിവുകളും സ്വായത്തമാക്കുകയും ആവശ്യമായ യന്ത്രങ്ങളും സമാഹാരിച്ച് മടങ്ങുകയും ചെയ്തു.
ഇർല, പാർല ഗ്രാമങ്ങൾക്കിടയിൽ സ്ഥിതി ചെയ്യുന്ന ഒരു ചെറിയ ഫാക്ടറി വെറും 12 ജോലിക്കാരുമായി ചൗഹാൻ സ്ഥാപിക്കുകയും ചെയ്തു , കുടുംബാംഗങ്ങൾ തന്നെ എഞ്ചിനീയർമാർ, മാനേജർമാർ, പലഹാര നിർമ്മാതാക്കൾ എന്നിങ്ങനെ ഒന്നിലധികം പദവികളിൽ സേവനമനുഷ്ഠിച്ചു.
രസകരമെന്നു പറയട്ടെ, സ്ഥാപകർ ഫാക്ടറി കൈകാര്യം ചെയ്യുന്നതിൽ വളരെ തിരക്കിലായിരുന്നതിനാൽ അവർ അതിന്റെ പേരിടാൻ മറന്നു പോയിരുന്നു.
അതിനാൽ, കാലക്രമേണ, രാജ്യത്തെ ആദ്യത്തെ ഇന്ത്യൻ ഉടമസ്ഥതയിലുള്ള പലഹാര ബ്രാൻഡ് അതിന്റെ ജന്മസ്ഥലമായ പാർലെയ്ക്ക് ശേഷം അറിയപ്പെട്ടു.
പാർലെ ഗ്ലൂക്കോയിൽ നിന്ന് പാർലെ ജി വരെയുള്ള യാത്ര
പാർലെയുടെ ആദ്യ ഉൽപ്പന്നം ഓറഞ്ച് മിഠായിയായിരുന്നു. 10 വർഷത്തിനുശേഷം 1939-ൽ ബിസ്കറ്റ് നിർമ്മാണ പ്രവർത്തനങ്ങൾ ആരംഭിച്ചു.
അക്കാലത്ത്, ബിസ്കറ്റുകൾ കൂടുതലും ഇറക്കുമതി ചെയ്തതും ചെലവേറിയതും വരേണ്യ വിഭാഗങ്ങളുടെ ഉപഭോഗത്തിന് വേണ്ടിയുള്ളതുമായിരുന്നു.
ഈ പ്രവണതയെ പ്രതിരോധിക്കാനാണ് പാർലെ ഉൽപ്പന്നങ്ങൾ സാധാരണക്കാർക്ക് താങ്ങാനാവുന്ന പോഷകാഹാര സ്രോതസ്സായി പാർലെ ഗ്ലൂക്കോ ആരംഭിച്ചത്. ഇന്ത്യൻ ഉപഭോക്താക്കൾക്ക് വേണ്ടിയുള്ളതും ഓരോ ഇന്ത്യക്കാരനും ആക്സസ് ചെയ്യാവുന്നതുമായ ഇന്ത്യയിൽ നിർമ്മിച്ച ഈ ബിസ്കറ്റ് അതിവേഗം പൊതുജനങ്ങൾക്കിടയിൽ ജനപ്രിയമായി.
1960-ൽ, ബ്രിട്ടാനിയ പോലുള്ള മറ്റ് കമ്പനികൾ സ്വന്തമായി ഗ്ലൂക്കോസ് ബിസ്കറ്റുകൾ പുറത്തിറക്കാൻ വിപണിയിലെത്തിയപ്പോൾ പാർലെ ഉൽപ്പന്നങ്ങൾക്ക് ബുദ്ധിമുട്ട് അനുഭവപ്പെടാൻ തുടങ്ങി. സമാനമായ ബ്രാൻഡ് നാമങ്ങളാൽ ആശയക്കുഴപ്പത്തിലായ മിക്ക ആളുകളും കടയുടമകളോട് ഗ്ലൂക്കോസ് ബിസ്കറ്റുകൾ എന്ന് മാത്രമായിരുന്നു ആവശ്യപ്പെട്ടിരുന്നത്.
ആശയക്കുഴപ്പം ഒഴിവാക്കാൻ, പാർലെ പുതിയ പാക്കേജിംഗ് സ്വീകരിച്ചു, അതൊരു മഞ്ഞകലർന്ന മെഴുക്-പേപ്പർ റാപ്പറായിരുന്നു, ബ്രാൻഡ് നാമവും ചുവപ്പ് നിറത്തിലുള്ള ലോഗോയും സഹിതം ഒരു തടിച്ച കൊച്ചു പെൺകുട്ടിയുടെ ചിത്രം പതിച്ചു അവ അച്ചടിച്ചു.
എന്നാൽ ഈ പുതിയ പാക്കേജിങ്ങും പാർലെ ഗ്ലൂക്കോയെ വിപണിയിലെ മറ്റ് “മീ-ടൂ” ഗ്ലൂക്കോസ് ബിസ്കറ്റ് ബ്രാൻഡുകളിൽ നിന്ന് നിർണ്ണായകമായി വേർതിരിക്കുന്നതിൽ പരാജയപ്പെട്ടു.
അതിനാൽ 1982-ൽ പാർലെ ഗ്ലൂക്കോ പാർലെ-ജി ആയി പുനർനിർമ്മിക്കപ്പെട്ടു, ‘ജി’ ഗ്ലൂക്കോസിനെ സൂചിപ്പിക്കുന്നു. ചെറിയ ബിസ്കറ്റ് നിർമ്മാതാക്കളുടെ തനിപ്പകർപ്പ് ഒഴിവാക്കാൻ, പാക്കേജിംഗ് മെറ്റീരിയലും കുറഞ്ഞ ചെലവിൽ അച്ചടിച്ച പ്ലാസ്റ്റിക്കായി മാറ്റിയിരുന്നു. അതിനുശേഷം പാർലെ ബിസ്ക്കറ്റുകൾക്ക് തിരിഞ്ഞുനോക്കേണ്ടി വന്നിട്ടില്ല !
ഇന്ന്, പ്രതിമാസം ഒരു ബില്യണിലധികം പാക്കറ്റുകളുടെ അതിശയകരമായ വിൽപ്പന കണക്കുകൾ ആണ് കമ്പനിക്ക് കാണിക്കാൻ ഉള്ളത് . അതായത് ഓരോ മാസവും നൂറ് ദശലക്ഷം പാക്കറ്റ് പാർലെ-ജി, അല്ലെങ്കിൽ വർഷം മുഴുവൻ 14,600 കോടി ബിസ്കറ്റുകൾ, അതായത് 1.21 ബില്യൺ ഇന്ത്യക്കാർക്ക് 121 ബിസ്കറ്റുകൾ വീതം.
പാർലെ-ജിയുടെ പല ക്യാമ്പെയ്നുകളും ബിസ്കറ്റുകളുടെ വിശ്വസനീയമായ ഗുണനിലവാരവും വർഷങ്ങളായി ഈ ബ്രാൻഡ് നേടിയെടുത്ത ജന സ്വീകാര്യതയും വിളിച്ചോതുന്നു.
കൗതുകമായ പെൺകുട്ടി
പാർലെ-ജി ബിസ്‌കറ്റിലെ പെൺകുട്ടി യഥാർത്ഥ വ്യക്തിയല്ല, എവറസ്റ്റ് ക്രിയേറ്റീവിലെ ആർട്ടിസ്റ്റ് മഗൻലാൽ ദയ്യ 1960-കളിൽ സൃഷ്ടിച്ച ഒരു ചിത്രമാണ്. നാഗ്പൂരിൽ നിന്നുള്ള നീരു ദേശ്പാണ്ഡെ എന്ന യഥാർത്ഥ വ്യക്തിയാണ് പെൺകുട്ടിയെന്നും അവൾക്ക് 4 വയസ്സുള്ളപ്പോൾ അവളുടെ പിതാവാണ് ചിത്രം എടുത്തതെന്നും അഭ്യൂഹങ്ങളുണ്ടായിരുന്നു. എന്നാൽ പെൺകുട്ടി യഥാർത്ഥമല്ലെന്ന് പാർലെ പ്രൊഡക്ട്‌സിൻ്റെ ഗ്രൂപ്പ് പ്രൊഡക്ട് മാനേജർ മായങ്ക് ഷാ സ്ഥിരീകരിച്ചു.
നേട്ടങ്ങൾ
മിതമായ വിലയ്ക്കും സ്ഥിരതയാർന്ന സ്വാദിനും പേരുകേട്ട പാർലെ-ജി ബിസ്‌ക്കറ്റുകൾ 2011-ലെ നീൽസൺ റിപ്പോർട്ടിൽ ലോകത്ത് ഏറ്റവുമധികം വിറ്റഴിക്കപ്പെടുന്ന ബിസ്‌ക്കറ്റ് എന്ന പദവി നേടിയിരുന്നു . 5000 കോടി വിൽപന മറികടക്കുന്ന രാജ്യത്തെ ആദ്യത്തെ ബിസ്‌ക്കറ്റ് ബ്രാൻഡായി എന്ന ഒരു സുപ്രധാന നാഴികക്കല്ലും പാർലെ- ജിയുടെ പേരിൽ തന്നെയാണുള്ളത് . കമ്പനിയുടെ സ്ഥാപകനായ മോഹൻലാൽ ചൗഹാൻ്റെ കൊച്ചുമക്കളും പിൻഗാമികളുമായ വിജയ് ചൗഹാനും കുടുംബവുമാണ് ഇന്ന് ഈ പൈതൃകം കൈകാര്യം ചെയ്യുന്നത്.
