തനതായ സംസ്കാരത്തിനും രുചികരമായ പാചകരീതികൾക്കും പേരുകേട്ട നാടാണ് കോഴിക്കോട്. കോഴിക്കോടൻ ഹൽവ കോഴിക്കോട് മാത്രമല്ല ഗൾഫ് നാടുകളിലും യൂറോപ്യൻ നാടുകളിലും വരെ പ്രശസ്തി നേടിയ ഒന്നാണ്.കോഴിക്കോട് നിന്നും പ്രവാസികൾ അവധി കഴിഞ്ഞ് മടങ്ങുമ്പോൾ കൊണ്ടുപോകാറുള്ള എണ്ണമറ്റ രുചികളിൽ ഏറ്റവും പ്രധാനിയാണ് കോഴിക്കോടിന്റെ തനതായ കോഴിക്കോടൻ ഹൽവ പാക്കറ്റുകൾ . ഏറ്റവും സവിശേഷമായ രുചികളിൽ ഹൽവ നിർമിക്കാൻ മത്സരിക്കുന്ന കോഴിക്കോട്ടെ ബേക്കറികളിൽ ഏറ്റവും ജനപ്രീതിയും പ്രശസ്തവുമായ ഒരു സ്ഥാപനമാണ് ഈസ്റ്റ്‌ കോട്ടപ്പറമ്പ് ഉള്ള വിവ ഹൽവ എന്ന സ്ഥാപനം . ഈ സ്ഥാപനത്തിന്റെ ഉടമ കക്കോടി സ്വദേശിയായ അബ്ദുൽ സലീമിന്റെ ദീർഘ നാളത്തെ പരിശ്രമത്തിന്റെയും കഠിനാധ്വാനത്തിന്റെയും ഫലമാണ് ഈ സംരംഭത്തിന്റെ വിജയം.
26 വർഷമായി ഹൽവ കച്ചവടം നടത്തുന്ന അബ്ദുൽ സലീമിന്റെ വളർച്ച എളുപ്പത്തിലായിരുന്നില്ല. സ്കൂൾ വിദ്യാഭ്യാസം കഴിഞ്ഞപ്പോൾ തന്നെ പാളയം സ്റ്റാൻഡിലേ ഒരു ബേക്കറിയിൽ ജോലിയിൽ പ്രവേശിക്കുകയും, ശേഷം മൂന്നു കൊല്ലത്തോളം കല്ലായി റോഡിൽ ഒരു ബേക്കറിയിൽ ജോലി ചെയ്ത പരിചയവും ഉണ്ടാക്കി എടുത്തു. ഹൽവ ഉത്പാദനം നടത്തുന്ന ഒരു ഷെഡ്‌ഡിൽ മൂന്നു കൊല്ലം ജോലി ചെയ്യ്തുകൊണ്ടിരിക്കെയാണ് പിതാവ് മരണ പെടുന്നത് ശേഷം കാര്യങ്ങളെല്ലാം കീഴ്മേൽ മറിഞ്ഞു ജോലിയിൽ നിന്ന് കിട്ടിയിരുന്ന പണം നിത്യ ജീവിതത്തിന് പോലും തികയാതെ വന്നു . അങ്ങനെയാണ് അത് ഉപേക്ഷിച്ച് കമ്മീഷനായി മൊത്തക്കച്ചവടക്കാരിൽ നിന്നും ചില്ലറ വിൽപ്പനകാരിലേക്ക് ലഡുവും ജിലേബിയും എത്തിക്കാൻ തുടങ്ങിയത് . മോശമല്ലാത്ത വരുമാനം ലഭിച്ചപ്പോൾ അദ്ദേഹം അത് 3 വർഷം തുടരുകയും ചെയ്തു .അപ്പോഴാണ് ആദ്യം ജോലി ചെയ്തിരുന്ന ഹൽവ ഷെഡ് നോക്കി നടത്താനുള്ള ബുദ്ധിമുട്ട് കാരണം മുതലാളി അത് മറ്റൊരാൾക്ക് നടത്താൻ കൊടുക്കാൻ തീരുമാനിക്കുകയും അത് അബ്ദുൽ സലീം ഏറ്റെടുക്കുന്നതും. സ്വന്തമായൊരു സംരംഭം എന്ന സ്വപ്നത്തിലേക്കുള്ളൊരു ചവിട്ടുപാടിയായിരുന്നു അത്. മൂലധനം ഒന്നും ഇറക്കാതെയായിരുന്നു അദ്ദേഹം തന്റെ ബിസിനസ് ആരംഭിച്ചത്, ഈ മേഖലയിൽ തന്നെ ജോലി ചെയ്ത ഒരു വ്യക്തി ആയതുകൊണ്ട് ആവശ്യമായ സാധനങ്ങൾ കടമായിട്ട് ലഭിക്കാൻ ബുദ്ധിമുട്ടുണ്ടായിരുന്നില്ല. വെറും നാല് തൊഴിലാളികളെ വെച്ച് കോട്ടപറമ്പിലെ ചെറിയ ഷെഡ്‌ഡിൽ ഹൽവ ഉത്പാദനം ആരംഭിച്ചു ഒരു രൂപ പോലും മുതൽമുടക്കില്ലാതെ.
2006ൽ അദ്ദേഹം തൊട്ടടുത്തുള്ള കെട്ടിടം വാങ്ങുകയും കച്ചവടം ഒന്നുകൂടി മെച്ചപ്പെടുത്തുകയും ചെയ്തു. പിന്നീട് മറ്റൊരു കെട്ടിടം കൂടെ സ്വന്തമാക്കി ഇപ്പോൾ 15തൊഴിലാളികളുമായി ഹൽവ ഉത്പാദനം സജീവമായി നടത്തിവരുന്നു. ഈ രണ്ട് സ്ഥാപനങ്ങളിലായി ഹൽവകളുടെ വൈവിധ്യമാർന്ന രുചികൾ കാണാൻ സാധിക്കും. പൈനാപ്പിൾ, ഡ്രൈ ഫ്രൂട്ട്, ക്യാരറ്റ്, ബനാന, ഡേറ്റസ്, വനസ്പതി എന്നിങ്ങനെ പോകുന്നു വിവ ഹൽവയിലെ ഹൽവ രുചികൾ. ഉപഭോക്താക്കളുടെ ഇഷ്ടാനുസൃതം വെളിച്ചെണ്ണയിലും നെയ്യിലും വെളിച്ചെണ്ണ നെയ്യ് കലർത്തിയും എല്ലാ രീതിയിലും ഉള്ള ഹൽവകൾ വിവയിൽ ലഭ്യമാണ്. മാത്രമല്ല എസ്സൻസുകൾ കൃത്രിമ പ്രിസർവേറ്റിവുകൾ തുടങ്ങി ആരോഗ്യത്തിന് ഹാനികരമാകുന്ന ഒരു ചേരുവകളും ഉപയോഗിക്കാതെ നാച്ചുറലായിട്ടുള്ള പഴങ്ങൾ മാത്രം ഉപയോഗിച്ച് ഗുണമേന്മയുള്ള ഹൽവകളാണ് ഇവിടെ നിർമ്മിക്കുന്നത്. കടുത്ത ഫുട്ബോൾ ആരാ
ധകനായ അബ്ദുൽ സലീം തൃശൂർ ആസ്ഥാനമായുള്ള ഒരു ഫുട്ബോൾ ടീമായ വിവ കേരള എന്ന പേരിൽ നിന്നും പ്രചോദനം കൊണ്ടാണ് നീണാൾ വാഴട്ടെ എന്ന് അർത്ഥം വരുന്ന വാക്കായ വിവ എന്ന പേര് തന്റെ സ്ഥാപനത്തിന് നൽകാൻ തീരുമാനിക്കുന്നത്. കോഴിക്കോട് നഗരത്തിൽ മാത്രമായി വില്പന നടത്തിയിരുന്ന വിവ ഹൽവ ഇപ്പോൾ ഇന്ത്യയിലെ മിക്ക സംസ്ഥാനങ്ങളിലും ഹൽവ
വിതരണം ചെയ്യുന്നുണ്ട്. മാത്രമല്ല ജനങ്ങൾ ഏറ്റെടുത്തത് കൊണ്ട് തന്നെ കേരളത്തിൽ അങ്ങോളമിങ്ങോളം റീട്ടേയിൽ കൗണ്ടറുകൾ തുടങ്ങാനാണ് വിവ ഹൽവയുടെ അടുത്ത വലിയ പദ്ധതി. എല്ലാ വളർച്ചയിലും അദ്ദേഹത്തിന് പൂർണ്ണ പിന്തുണയേകി മകളും മകനും ഭാര്യയും അടങ്ങുന്ന കുടുംബം എന്നും കൂടെയുണ്ട്.
