“ആറ് പെണ്ണുങ്ങൾ ഒരുമിച്ചപ്പോൾ വെട്ടിപിടിച്ച നേട്ടങ്ങൾ ചെറുതല്ല” രാമനാട്ടുകര Elegant Food Product യൂണിറ്റ് അമരക്കാരായ നജ്മ, ഷീജ, റഹ്മത്ത്, മിനി, ലത, റസിയ എന്നിവരെ കുറിച്ച് പറയുകയാണെങ്കിൽ വിവിധ തരം സാഹചര്യങ്ങളിൽ നിന്നും മുന്നോട്ട് വന്ന്‌ ഒരു ലക്ഷ്യത്തിന് വേണ്ടി നിലകൊണ്ട് ആ ലക്ഷ്യം നേടി എടുത്തവർ എന്ന് തന്നെ പറയാം.
13 കൊല്ലമായി ഇവർ 6 മാസം മുതൽ 3വയസ്സ് വരെ ഉള്ള കുഞ്ഞുങ്ങൾക്ക് വേണ്ടി ന്യൂട്രിഷൻ ഫുഡ്‌ ഉണ്ടാക്കി നൽകുന്നു. കുബശ്രീ വഴി ഒത്തുച്ചേർന്ന ഇവർ ക്ലസ്റ്റർ യൂണിറ്റ് ആയി തുടങ്ങി വെച്ച ഈ സംരംഭം ഇന്നിപ്പോൾ 7ലക്ഷം രൂപയുടെ ടേൺഓവർ വരെ നൽകി വരുന്നു.
തുടക്ക കാലത്ത് മെഷീനറികളുടെ ലഭ്യത കുറവും ഇൻവെസ്റ്റ്‌ ചെയ്യാനുള്ള പണം ഇല്ലാത്തതുമെല്ലാം ഇവരെ പ്രതികൂലമായി ബാധിച്ചിരുന്നെങ്കിലും MSME ലോണായി 2ലക്ഷം രൂപ ലഭിക്കുകയും പിന്നീട് മെഷീനറികൾ വാങ്ങുന്നതിനായി 6ലക്ഷം രൂപ ജില്ലാ പഞ്ചായത്ത്‌ ടെക്നോളജി ഫണ്ടായി നൽകുകയും ചെയ്തതോടെയാണ് ബിസിനസ്സിൽ വളർച്ചയുടെ കാലം ആരംഭിച്ചത്. തുടക്കത്തിൽ 2000രൂപ മാത്രം ശമ്പളമായി എടുത്തിരുന്നു സ്ഥാനത്തിപ്പോൾ ഇവർ ഓരോരുത്തർക്കും 25000രൂപ വീതം ശമ്പളം എടുക്കാൻ കഴിയുന്നുണ്ട് വാർഷിക ലാഭത്തിനു പുറമെ.
കുടുംബശ്രീ മിഷന്റെ എല്ലാ മാസവും നടത്തുന്ന എക്സിക്യൂട്ടീവ് മീറ്റിംഗിൽ ഓർഡറുകൾ ലഭിക്കുകയും ഓർഡർ അനുസരിച്ച് പ്രോഡക്റ്റുകൾ ICDS ന്റെ ഡ്രൈവർമാർ യൂണിറ്റിൽ വന്നു നേരിട്ട് എടുത്ത് കൊണ്ടുപോയി സപ്ലൈ നടത്തിവരുന്നു. 8000 കിലോ മുതൽ 9000കിലോ വരെ തുടർച്ചയായ ഉത്പാധനം നടത്തി വരുന്ന യൂണിറ്റിൽ നിലവിൽ 7ലക്ഷം രൂപയുടെ ബിസിനസ്സ് എല്ലാ മാസവും ലഭിക്കുന്നു.
ബിസിനസ്സിൽ ലാഭം വർധിച്ചതോടെ ഫുള്ളി ഓട്ടോമാറ്റിക് മെഷീനുകൾ വാങ്ങുന്നതിനായുള്ള നീക്കവുമായി അവരുടെ ബിസിനസിനെ ഉയർച്ചയിലേക്ക് കൊണ്ട് പോകുവാനുള്ള തയ്യാറെടുപ്പിലാണീ ആറ് പാർട്ണർമാർ.
