ഫാഷൻ ഒരു ആകർഷണമാത്രമല്ല, അത് വ്യക്തിത്വത്തിന്റെ പ്രതിഫലനമാണ്. ഈ വിശ്വാസത്തോടെയാണ് കനിസ്ത ബൂട്ടിക്ക് എന്ന ബിസിനസ് നമിത ആരംഭിച്ചത്.
നമിതയ്ക്ക് എല്ലാം ഒരുപോലെതന്നെയായിരുന്നു ഒരു നല്ല ജോലി, സന്തുഷ്ടമായ കുടുംബം, പിന്നെ ജീവിതത്തിൽ ഒരു ചെറിയ ഇടവേള. എഞ്ചിനീയറിംഗ് പഠിച്ച് ആറ് വർഷത്തോളം ജോലി ചെയ്ത നമിതയ്ക്ക്, ജീവിതത്തിന്റെ വഴിത്തിരിവ് വിവാഹാനന്തരം ഉണ്ടായി. ഡെലിവറിക്കു ശേഷം അവധി എടുത്തപ്പോൾ, ജീവിതം അപ്രത്യക്ഷമായ ഒരിക്കലും നല്കാത്ത അത്രയേറെ ഫ്രീ ടൈം നമിതയ്ക്ക് ലഭിച്ചു.
അത് ആദ്യമേ ആസ്വദിച്ചെങ്കിലും, കുറച്ചുകാലത്തിനുള്ളിൽ ആ നേരം അലോസരമാവാൻ തുടങ്ങി. മനസ്സിനെ പിടിച്ചുനിർത്താൻ ഒന്നുമില്ലാതാകുമ്പോൾ, അത് പലതരത്തിലേക്ക് പോകും. ചെറിയ ഡിപ്രഷൻ, പോസ്റ്റ്-പാർട്ടം മാറ്റങ്ങൾ, എല്ലാം ചേർന്ന് മനസ്സ് അലമ്പായി. ജീവിതത്തിൽ എന്ത് ചെയ്യണം എന്ന സംശയം. ഇനി എന്ത് എന്നായിരുന്നു നമിതയുടെ മനസ്സിലുണ്ടായ ചോദ്യം.
അതിന്റെ ഉത്തരമായാണ് “കനിസ്ത” എന്ന ആശയം ഉടലെടുത്തത്. ജീവിതത്തിന്റെ ചുരുങ്ങിയ ഭാഗത്ത് മാത്രം ഒതുങ്ങി നിൽക്കാൻ മനസ്സില്ലാതിരുന്ന നമിത, എന്തെങ്കിലും പുതിയതൊരുക്കണം എന്നുറപ്പിച്ചു. എന്നാൽ ബിസിനസ്? അത് എങ്ങനെ? സ്വന്തം ഫീൽഡിൽതന്നെയായിരുന്ന ജോലിയും, എഞ്ചിനീയറിംഗ് പഠിതാവെന്നതുമായ തന്റെ പശ്ചാത്തലത്തിന്, ഫാഷൻ ബിസിനസ് ഒരു അത്ഭുത ചുവടായിരുന്നു. അതിനാൽതന്നെ, തീർച്ചയായും ചിന്തിക്കേണ്ടിയിരുന്നു.
ഭർത്താവിനെയും കുടുംബത്തെയും കൂട്ടിയിട്ട് ആശയം പങ്കിട്ടപ്പോൾ, എല്ലാവരും അതിനോട് മനസുതുറന്നു. അവർ നൽകിയ പിന്തുണ തീർച്ചയായും അവരെ സന്തോഷിപ്പിച്ചു. എന്നിട്ടും മനസ്സിലുണ്ടായിരുന്ന ഒരു പേടി “മുന്നോട്ടുപോകുമോ?” എന്നായിരുന്നു “ചെയ്തേ മതിയാവൂ,” എന്നായിരുന്നു അവരുടെ അന്തിമ തീരുമാനം. അതിനായി ആദ്യം, തന്റെ മൈൻഡിൽ ഉണ്ടായിരുന്ന എല്ലാ ആശയങ്ങളും വൃത്തിയാക്കി. പിന്നെ പടിപടിയായി, ഭയങ്ങളൊന്നുമില്ലാതെ പ്രവർത്തനം ആരംഭിച്ചു.
മകളുടെ പേരിൽ നിന്നാണ് “കനിസ്ത” എന്ന ബൂട്ടിക്ക് തുടങ്ങിയത്. ആദ്യം ഒരു ചെറിയ ഓൺലൈൻ സ്റ്റോർ മാത്രം. സാരികളും കുർത്തികളും കസ്റ്റമൈസ്ഡ് ഡിസൈനുകളും ഉൾപ്പെടെയുള്ളവ. വളരെ ശ്രദ്ധയോടെയും മനസറിഞ്ഞുമാത്രമാണ് ഓരോ ഡിസൈനും തയ്യാറാക്കിയത്. ചിലർക്ക് സിമ്പിൾ ഡിസൈൻ വേണം, ചിലർക്ക് ഹെവി വർക്ക്, എല്ലാം മനസ്സിലാക്കി, ആഗ്രഹങ്ങൾ നിറവേറ്റുന്ന രീതിയിൽ ഡിസൈൻ ചെയ്തു.
ആദ്യമൊന്നും വലിയ മാർക്കറ്റിംഗ് ഒന്നുമില്ല. സമൂഹമാധ്യമങ്ങളിലൂടെയായിരുന്ന കുറച്ചു കസ്റ്റമർസ്, എന്നാൽ കസ്റ്റമർസ് കൂടാൻ തുടങ്ങി. അതുപോലെ മികച്ചത് ഒരിക്കൽ വാങ്ങിയവർ വീണ്ടും വരാൻ തുടങ്ങി! അത്രയേറെ ക്വാളിറ്റിയുള്ളതും ഹൃദയംകൊണ്ടുള്ളതുമായ ഡിസൈൻ ചെയ്തതിന്റെ ഫലമായി, അവരുടെ ബ്രാൻഡിന് നല്ല ഉയർച്ച ലഭിച്ചു.
ഇപ്പോൾ നമിതയ്ക്ക് വലിയൊരു ഓൺലൈൻ കസ്റ്റമർ ബേസ് ഉണ്ട്. ഇന്ത്യൻ മാർക്കറ്റ് മാത്രമല്ല, wholesale ആയി വിദേശത്തേക്കും അയയ്ക്കുന്നുണ്ട്. റെഗുലർ കസ്റ്റമേഴ്സ് ആയിട്ടുള്ളവർ കൂടുതലാണ്, അവർ തന്നെയാണ് ബിസിനസ്സിന്റെ ബാക്ക്ബോൺ. പക്ഷേ, ഇതൊക്കെ പോരാ,കൂടുതൽ ആഗ്രഹങ്ങൾ ഉണ്ട് നമിതക്ക്.
ഇപ്പോൾ കേരളത്തിൽ, പ്രത്യേകിച്ചും കോഴിക്കോട്, ഒരു ഷോപ്പ് തുടങ്ങുകയാണ് നമിതയുടെ പ്രൈമറി ഗോൾ. അതിന് മുന്നോടിയായി, ഫാഷൻ ഡിസൈൻ ലേക്ക് കൂടുതൽ ആഴത്തിൽ കടക്കാൻ ഒരു ഡിപ്ലോമയും ചെയ്യുന്നുണ്ട്. പഠനവും, ബിസിനസ്സും, കുടുംബവും എല്ലാം തമ്മിൽ ബാലൻസ് ചെയ്ത്, പടിപടിയായി മുന്നോട്ടു പോകുന്നു.
കാനിഷ്താ ഒരു ബിസിനസ് മാത്രമല്ല, ഒരു സ്വപ്നമാണ്. നമിതയ്ക്ക് വേറൊരു വിശ്വാസവും ഉണ്ട് “സ്ത്രീകൾ ആരെയും ഡിപെൻഡ് ചെയ്യാതെ നിലകൊള്ളണം.” അതിനാൽ, എല്ലാ സ്ത്രീകളോടുമുള്ള അവളുടെ സന്ദേശം ഒന്നാണ്: “റിസ്ക് എടുക്കൂ. നിങ്ങളുടെ സ്വപ്നങ്ങൾ നിങ്ങൾ തന്നെയാണ് കാണേണ്ടത്. എവിടെയും ഭയം തോന്നുമ്പോൾ, അതിനെ തകർത്തു മുന്നോട്ട് പോകൂ. അതിന്റെ മറവിൽ ഒരു വലിയ വിജയമാണ് കാത്തിരിക്കുന്നതെന്ന് എപ്പോഴും വിശ്വസിക്കൂ!”
