വിദ്യാഭ്യാസ മേഖലയിലൊ ,തൊഴിലിലൊ,സേവന മേഖലയിലൊ ഏതു മേഖലയിലായാലും സൗകര്യപ്രദമായ രീതിയിൽ പുതിയ ഉൽപ്പന്നങ്ങളും സേവനങ്ങളും ജനങ്ങളിലേക്ക് എത്തിക്കുമ്പോൾ മാത്രമാണ് ഒരു സംരംഭകൻ വിജയിക്കുന്നത്.
അത്തരത്തിൽ വിജയിച്ചരുടെ എണ്ണം തെല്ലും കുറവാണ്. എന്നാൽ വിജയിച്ചവർ അതതു മേഖലയിൽ അടയാളം തീർത്തവരുമാണ്. അങ്ങനെ വിജയിച്ച ‘ഒരു സംരംഭകനാണ് മിസ്ബാൻ എന്ന പോളിടെക്നിക് അധ്യാപകൻ.
ഒരു വ്യക്തിയെ ശാക്തീകരിക്കുന്നതിൽ വിദ്യാഭ്യാസത്തിൻ്റെ പങ്ക് ചെറുതല്ല. വിദ്യാഭ്യാസത്തിലൂടെ മാത്രമെ ലോകത്ത് മാറ്റങ്ങൾ വരുത്തുവാ൯ സാധിക്കുകയുള്ളൂ. ഈ തിരിച്ചറിവാണ് മിസ്ബാ൯ എന്ന അധ്യാപകനെ സയ൯സ് ടെക് ലേ൪ണിംഗ് അപ്ലിക്കേഷ൯ ആരംഭിക്കാ൯ പ്രേരിപ്പിച്ചത്. അപ്ലിക്കേഷൻ വികസിപ്പിച്ചതോടെ അദ്ദേഹം ജനശ്രദ്ധ ആകർഷിച്ചു. ഇന്ന് ചരിത്രം കുറിച്ചുകൊണ്ട് മുന്നേറുകയാണ് സയൻസ് ടെക് പ്ലാറ്റ്ഫോം .
കേരളത്തിൽ ആദ്യമായാണ് പോളിടെക്നിക് വിദ്യാർത്ഥികൾക്ക് വേണ്ടി ഒരു അപ്ലിക്കേഷൻ നിലവിൽ വരുന്നത്. ഒരു ആശയം വിപ്ലവമാകും എന്ന് പറയും പോലെ തന്നെ ഈ ആശയം കേരളത്തിൽ തീ൪ത്തത് ഒരു സംരഭക വിപ്ലവം തന്നെയാണ് . ഇതിനകം നിരവധി വിദ്യാർത്ഥികളാണ് സയൻസ് ടെക് വഴി ഗവൺമെൻറ് കോളജുകളിൽ അഡ്മിഷൻ നേടിയെടുത്തത്. സയൻസ് ടെക്ക് ലേർണിംഗ് പ്ലാറ്റ്ഫോമിന് മികച്ച പ്രതികരണമാണ് തുടക്കത്തിൽ ലഭിച്ചത്. അതിനു കാരണം ഈ മേഖലയിൽ കഴിവ് തെളിയിച്ച അധ്യാപകർ തന്നെ. വിദ്യാർത്ഥികൾക്ക് പ്രയാസമുള്ള വിഷയങ്ങൾ പഠിക്കാനും ഉപരിപഠനം ആഗ്രഹിക്കുന്നവർക്ക് ബിടെക് എൽഇടി കോഴ്സ് പഠിക്കുന്നതിനും വേണ്ടിയാണ് ലേണിംഗ് ആപ്പുമായി മിസ്ബാൻ എത്തുന്നത് .
പോളിടെക്നിക് വിദ്യാർത്ഥിയായിരുന്നപ്പോൾ തന്നെ ഇത്തരത്തിൽ ഒരു സേവനം സമൂഹത്തിലേക്ക് കൊണ്ടുവരണമെന്ന് മിസ്ബാൻ ആഗ്രഹമുണ്ടായിരുന്നു. അതിൻ്റെ പ്രധാന കാരണം ഓരോ പോളിടെക്നിക് ട്യൂഷൻ സെൻററുകളും കൂടുതൽ ഫീസ് ഈടാക്കുന്നു എന്നത് തന്നെ. സാമ്പത്തികമായി പിന്നോക്കം നിൽക്കുന്നവരാണ് പോളിടെക്നിക് കോഴ്സ് ചെയ്യുന്നവരിൽ അധികവും. ഫീസ് അടയ്ക്കാൻ സാഹചര്യം ഇല്ലാത്തതുകൊണ്ടാണ് ബിടെക് എടുക്കാതെ പോളിടെക്നിക് തിരഞ്ഞെടുക്കുന്നത്. അതാണ് ഇത്തരത്തിൽ ഒരു പ്ലാറ്റ്ഫോമിന് തുടക്കം കുറിക്കാൻ കാരണമായതെന്ന് ഇദ്ദേഹം പറയുന്നു. കുടുംബത്തിന്റെയും ഭാര്യ ഫാത്തിമയുടെയും സഹായവും പിന്തുണയുമാണ് ഈ സംരംഭത്തെ വിജയത്തിലേക്ക് എത്തിച്ചത് .ഒരു യൂട്യൂബ് ചാനലായി തുടങ്ങിയ ഈ സംരംഭം ഇന്ന് സ്റ്റുഡിയോ സജ്ജീകരണങ്ങളോടെ തിരുവനന്തപുരം ജില്ലയിലെ കിളിമാനൂർ തട്ടത്തുമലയിൽ പ്രവർത്തിക്കുന്നു.
പത്താം ക്ലാസ് വിദ്യാർത്ഥികളും ഹ്യുമാനിറ്റീസ്, കോമേഴ്സ് വിദ്യാർത്ഥികളും ആണ് കൂടുതലായി പോളിടെക്നിക് കോഴ്സുകൾ തിരഞ്ഞെടുക്കുന്നത് . പഠിക്കുന്നതിന് ആവശ്യമായ സിലബസുകൾ തയ്യാറാക്കി ശരിയായ രീതിയിൽ അറിവ് നൽകുകയാണ് ഈ ലേണിംഗ് പ്ലാറ്റ്ഫോം ചെയ്യുന്നത് . ഓരോ വിഷയങ്ങളിലും സ്പെഷലൈസ് ചെയ്ത അധ്യാപകരുമായി പഠനസംബന്ധമായ സംശയങ്ങൾ കൈകാര്യം ചെയ്യാൻ വേണ്ടിയുള്ള ടീച്ചേഴ്സ് കോർണറും ഈ ലേണിങ് പ്ലാറ്റ്ഫോമിൽ ഉണ്ട് .ആറുമാസമാണ് കോഴ്സിന്‍റെ കാലാവധി ഒരിക്കൽ സബ്സ്ക്രിപ്ഷൻ എടുത്താൽ വിജയിക്കുന്നതുവരെ ഇവരുടെ സേവനം ലഭ്യമാണ്. പരാജയപ്പെടുന്ന കുട്ടികൾക്ക് ഫീസുകൾ ഒന്നും ഈടാക്കാതെ ഇവർ ക്ലാസുകൾ നൽകുന്നു.
ഓരോ ബാച്ചിനും ബാച്ച് മെന്ററും ഗ്രൂപ്പ് വഴി സംശയങ്ങൾ തീർക്കാനുള്ള സൗകര്യവും ലഭ്യമാണ്. ഗൂഗിൾ പ്ലേ സ്റ്റോർ വഴിയും വെബ്സൈറ്റ് വഴിയും സയൻസ് ടെക്കിന്റെ സേവനം വിദ്യാർഥികളിലേക്ക് എത്തുന്നു. നിരവധി വിദ്യാർത്ഥികളെയാണ് അവരുടെ സ്വപ്നത്തിലേക്ക് എത്താൻ സയൻസ് ടെക് സഹായിക്കുന്നത്.
