ഭാഷകൾ ആശയവിനിമയത്തിന്റെ അടിസ്ഥാന ഘടകമാണ്. പെറ്റമ്മയ്ക്ക് സമാനമായ മാതൃഭാഷ പ്രാദേശിക ജീവിതത്തെ വിളിച്ചോതുന്നു.
എന്നാൽ ഉയർന്ന ജീവിത നിലവാരത്തിനായും മികച്ച തൊഴിലവസരങ്ങൾക്കായും പുറംനാടുകളിലേക്ക് ചേക്കേറുന്നവർ ഏറെയാണ് നമുക്ക് ചുറ്റും. ഇവിടെ അഭിമുഖീകരിക്കേണ്ടി വരുന്ന പ്രശ്നങ്ങളിൽ പ്രധാനിയാണ് ഭാഷാ പ്രാവീണ്യം. എല്ലാ ഭാഷകളും വശമില്ലെങ്കിലും ആഗോളതലത്തിൽ ഉപയോഗിക്കുന്നതും, എളുപ്പം ഗ്രഹിക്കാവുന്നതുമായ ഭാഷകൾ പഠിച്ചിരിക്കേണ്ടത് അനിവാര്യമാണ്.
പലപ്പോഴും ആഗോള ഭാഷയായി കണക്കാക്കപ്പെടുന്ന ഇംഗ്ലീഷ് ഭാഷയിലെ പ്രാവീണ്യം അന്തർദേശീയ ബിസിനസും നയതന്ത്രവും മുതൽ വിദ്യാഭ്യാസവും സാങ്കേതികവിദ്യയിലും വരെ നിരവധി അവസരങ്ങൾ തുറന്നു തരുന്നു.
ഇന്റർനാഷണൽ കമ്മ്യൂണിക്കേഷൻ, പല അന്തർദേശീയ സന്ദർഭങ്ങളിലും വരെ ആശയവിനിമയത്തിന്റെ പ്രാഥമിക മാധ്യമമായി ഇംഗ്ലീഷ് ഭാഷ വർത്തിക്കുന്നു.
പ്രായഭേദമന്യേ ഏതൊരാൾക്കും ഇംഗ്ലീഷ് ഭാഷയിൽ പ്രാവീണ്യം നേടി കൊണ്ട് സധൈര്യം ആശയവിനിമയം ചെയ്യാനായി രണ്ടു ചെറുപ്പക്കാരായ സുഹൃത്തുക്കൾ മിഥുനും ഫുഹാദ് കെ മുനീറും ചേർന്നു തുടങ്ങിയ സംരംഭം ഇംഗ്ലീഷ് ഫ്ലൈറ്റ്, ഇന്ന് പരിധികളോ പരിമിതികളോ ഇല്ലാതെ പറക്കുന്നു.
2021ൽ മിഥുൻ തന്റെ പതിനേഴാം വയസ്സിലും, ഫുഹാദ് ഇരുപത്തിയൊന്നാം വയസ്സിലും ആണ് ഇംഗ്ലീഷ് ഫ്ലൈറ്റിന് തുടക്കം കുറിച്ചത്.
മലപ്പുറം ജില്ലക്കാരായ ഇരുവരും വ്യത്യസ്ത പശ്ചാത്തലത്തിൽ നിന്നും വന്നവരാണ്. ഫുഹാദിന് പാരമ്പര്യമായി ബിസിനസുമായി ബന്ധമുണ്ടെങ്കിലും മിഥുനിന്റെ പശ്ചാത്തലം തീർത്തും വ്യത്യസ്തമായിരുന്നു. ഇരുവർക്കും വീട്ടുകാരിൽ നിന്നും ബന്ധുക്കളിൽ നിന്നുമുള്ള പിന്തുണയുടെ കാര്യത്തിലും ഏറ്റക്കുറച്ചിലുകൾ ഉണ്ടായിരുന്നു. ഒരു ബിസിനസ് മോഹം എന്നതിനപ്പുറം അറിവ് പകർന്നു നൽകുക എന്ന പ്രഥമ കാര്യത്തിനായിരുന്നു ഇരുവരും മുൻഗണന നൽകിയിരുന്നത്. നിശ്ചയദാർഢ്യവും കഠിനാധ്വാനവും ഒത്തൊരുമയും ഒന്നുകൊണ്ടു മാത്രമാണ് ഇംഗ്ലീഷ് ഫ്ലൈറ്റിന്റെ ഉന്നതിസാധ്യമായത്.
ഏവർക്കും ലഭ്യമാവുന്ന തരത്തിൽ വാട്സാപ്പിലൂടെ പഠനം അവതരിപ്പിച്ചുകൊണ്ട് വളരെ കുറഞ്ഞ നിരക്കിലാണ് കോഴ്സുകൾ നൽകിവരുന്നത്. ഇരുപതിനായിരം രൂപ മൂലധനത്തിൽ ആയിരുന്നു സ്ഥാപനത്തിന്റെ തുടക്കം.
ഇംഗ്ലീഷ് ഫ്ലൈറ്റിൽ ഭാഷ എളുപ്പം പഠിക്കാനായി നൂതന വിദ്യകളും ടിപ്സുകളും നൽകുന്നു. കൂടാതെ സ്പോക്കൺ ഇംഗ്ലീഷ് പ്രോഗ്രാമും നൽകുന്നു.
പഠിക്കാൻ ആഗ്രഹിക്കുന്ന സാമ്പത്തികമായി പിന്നോക്കം നിൽക്കുന്നവർക്കായി സപ്പോർട്ട് നൽകിക്കൊണ്ട് കൂടെ കൂട്ടുന്നുമുണ്ട് ഇംഗ്ലീഷ് ഫ്ലൈറ്റ്.
500 രൂപ മുതൽ ലഭ്യമായ പ്രാക്ടിക്കൽ ക്ലാസുകളും തിയറി ക്ലാസുകളും നൽകുന്നു. ഇ.എം.ഐ സൗകര്യവും ലഭ്യമാണ്.
വിദ്യാർത്ഥികൾക്ക് അവരുടെ ഇഷ്ടാനുസരണം സമയം തിരഞ്ഞെടുത്തു പഠിക്കാം എന്ന പ്രത്യേകതയുമുണ്ടിവിടെ.
കോഴ്സിന് ചേരുന്നതിനു മുൻപേ പ്രാരംഭ പരീക്ഷയിലൂടെ വിദ്യാർഥികളുടെ നിലവാരം വിലയിരുത്തി മുന്നേറാൻ ആവശ്യമായ പിന്തുണയും മികച്ച പരിശീലനവും നൽകിവരുന്നു.
ഇംഗ്ലീഷ് ഭാഷാ പഠനത്തിൽ നിരവധി മികച്ച സേവനങ്ങൾ നൽകിക്കൊണ്ട് കുതിച്ചു പറക്കുന്ന ഇംഗ്ലീഷ് ഫ്ലൈറ്റിന്റെ ചിറകുകൾ ആയി കരുത്തുറ്റ ടീമും പ്രഗൽഭരായ അധ്യാപകരും കൂടെയുണ്ട്.
ഇംഗ്ലീഷ് ഫ്ലൈറ്റിന്റെ അതിരുകൾ ഇല്ലാത്ത വളർച്ച തന്നെയാണ് മിഥുനിന്റെയും ഫുഹാദിന്റെയും ലക്ഷ്യം
