ചെടികളാൽ വീടിനെ സ്വർഗമാക്കി മാറ്റുക എന്ന ആശയമാണ് ഇൻഡോർ പ്ലാനന്റുകൾക്ക് കേരളത്തിൽ നല്ല വിപണി നൽകി വരുന്നത്. വെറും കാഴ്ചയുടെ ഭംഗി മാത്രമല്ല ഇൻഡോർ ഗാർഡനിങ്ങ് വഴി ഉണ്ടാവുന്നത്, അതിലുപരി മനസ്സിൽ കുളിർമ നൽകുവാനും വായു ശുദ്ധീകരിക്കാനും, പോസിറ്റിവിറ്റി പകർന്നു നൽകുവാനുമൊക്കെ ഈ നൂതനമായ ഹോം ഗാർഡനിങ്ങ് രീതിക്ക് സാധിക്കുന്നു.
ഹോം ഗാർഡനിങ്ങിലേ സാധ്യതകൾ തിരിച്ചറിഞ്ഞു കൊണ്ട് അതിൽ തങ്ങളുടെതായ ഒരു വേറിട്ട സ്പർശം നൽകി ഒരു ബിസിനെസ്സ് നടത്തി വരുന്ന സീമക്കും സുവിതക്കും ഈ മേഖല വെറും ഒരു ബിസിനെസ്സ് എന്നതിലുപരി അവരുടെ ഏറ്റവും വലിയ പാഷൻ കൂടിയാണ്.
23 കൊല്ലമായി ടീച്ചർ ആയി ജോലി ചെയ്ത് വന്നിരുന്ന ഇവർ ഇരുവരും തൊഴിൽ മേഖലയിൽ ഒരു വ്യത്യസ്തത തേടിയുള്ള യാത്രയിലാണ് ഒരു ബിസിനെസ്സ് തുടങ്ങണം എന്ന തീരുമാനം എടുക്കുന്നത്. അപ്പോഴും എന്ത് തരം ബിസിനസ്സ് എന്ന ചോദ്യം ബാക്കി ആയിരുന്നു.
ചെടികളും അവയുടെ പരിപാലനവും വളരെ ഏറെ ഇഷ്ടപ്പെട്ടിരുന്ന ഇവർ ആ ഒരു കാര്യത്തെ തന്നെ ഒരു ബിസിനസ്സ് ആക്കാം എന്ന് തീരുമാനം എടുക്കാൻ കാരണം ഭർത്താക്കന്മാരുടെ ഉപദേശവും നിർദ്ദേശവും ആയിരുന്നു.
തുടർന്ന് കൊറോണ ലോക്‌ഡൗൺ കാലത്ത് നല്ല രീതിയിലുള്ള ഹോം വർക്ക്‌ ഇവർ നടത്തുകയും സ്വന്തം വീട്ടിലെ തന്നെ ചെടികൾ ഫ്രണ്ട്സിന് ഗിഫ്റ്റ് ആയി കൊടുക്കുകയും ചെയ്ത് നല്ല അഭിപ്രായങ്ങൾ ലഭിക്കുകയും കൂടി ആയപ്പോൾ ആത്മവിശ്വാസം വർധിച്ചു.
കൊറോണ ടൈം പീരീഡിൽ വീട്ടിൽ തന്നെ ഓരോരോ ചെടികളെയും കുറിച്ച് യൂ ട്യൂബ് വീഡിയോസ് കണ്ടും കേരളത്തിൽ അങ്ങോളം ഇങ്ങോളമുള്ള നഴ്സറികൾ സന്ദർശിച്ചും സ്വയം തന്നെ പരിപാലനം നടത്തിയും ഒക്കെ ശീലിച്ചാണ് ഒരു ബിസിനസ്സ് എന്ന രീതിയിലേക്ക് ഇത് വളർത്താം എന്നുള്ള കോൺഫിഡൻസുമായി ഇരുവരും മുന്നോട്ട് വരുന്നതും, അശോകപ്പുറം റോഡിൽ 2022 സെപ്റ്റംബർ മാസം PLANET GREEN എന്ന പേരിൽ ഇവരുടെ സ്വപ്ന സ്ഥാപനം ഇവർ തുടങ്ങുന്നതും. പോട്ടിങ്ങോടു കൂടി തന്നെ ചെടികൾ സെറ്റ് ചെയ്ത് കൊടുക്കുന്ന ഇവരുടെ പക്കൽ സെറാമിക് , മേലാമിൻ തുടങ്ങി ഒട്ടനവധി ഭംഗി ഏറിയ പോട്ട് കളക്ഷൻസും ഉണ്ട്.
കസ്റ്റമേഴ്സിന്റെ ഭാഗത്തു നിന്നുമുള്ള അകമഴിഞ്ഞ സ്നേഹവും പ്രോത്സാഹനവുമാണ് ഇവരുടെ മുന്നോട്ടുള്ള യാത്രയുടെ ഊർജവും. കസ്റ്റമേഴ്സിന് വേണ്ടി വാട്ട്സ്ആപ്പ് ഗ്രൂപ്പുകളും അവയിൽ ചെടികളുടെ പരിപാലനത്തെ കുറിച്ചും മറ്റുമുള്ള സംശയങ്ങൾ വ്യക്തമാക്കി കൊടുക്കുകയും എല്ലാം ഇവരുടെ സർവീസിന്റെ ഭാഗമായി നൽകി വരുന്നുണ്ട്.
അടുത്ത് തന്നെ ടെററിയം, കാർ ഡെക്കറേഷൻ, ഇൻഡോർ ഡെക്കർ, ഫ്രഷ് ഫ്ലവർ അറേഞ്ച്മെന്റ് എന്നിവയെല്ലാം ഇവരുടെ സർവിസിൽ ഉൾപ്പെടുത്തി വിപുലീകരിക്കാൻ തീരുമാനിച്ചിരിക്കുന്ന് കൂടാതെ കോട്ടക്കൽ ആര്യവൈദ്യശാലയുടെ ഒരു ഡീലർഷിപ്പും ഇവർക്ക് തുടങ്ങാൻ കഴിഞ്ഞു എന്നുള്ളത് ഇവരുടെ എടുത്ത് പറയേണ്ട നേട്ടമാണ്. ഇരുവർക്കും പൂർണ പിന്തുണയേകി ഭർത്താക്കന്മാരും കുട്ടികളും വീട്ടുകാരും കൂടെയുള്ളത് ഇവരുടെ ബിസിനെസ്സ് വിജയ യാത്രയുടെ വേഗത കൂട്ടുന്നു .
